Асосий мавзулар
11 апрел 2023

11 апрель – Beatles гуруҳи «From Me to You» қўшиғини тақдим қилди

«From Me to You» (Мендан сенга) — Леннон ва Маккартни дуэти ижро қилган зариф бир қўшиқдир.

Айтилишича, бу қўшиқ 1963 йилнинг 28 февралида Шрусбери йўлида кетаëтган автобус ичида ëзилган. The Beatles гуруҳи қўшиқчи Элен Шапиро билан гастролга кетишаëтган пайтда Леннон ва Маккартни вақтни ўлдириш ва эрмак учун бу қўшиқни басталашди. Қўшиқдаги “мен ва сен” калималари ўша давр учун бокира бўлган инсоннинг инсонга яқин муносабати ва самимийлик изҳори эди.

Алал-оқибат, бу қўшиқ The Beatles гуруҳига шараф келтирган тароналардан бирига айланди.

The Beatles нинг бу қўшиғи “битломания” деб номланган йўналишни пайдо қилган омил сифатида кўрилади.

The Beatles гуруҳининг «From Me to You» қўшиғи Совет Иттифоқини ўраган темир деворни ëриб ўтиб, эрксеварларнинг доимий хиргойисига айланган эди.

Ўтган асрнинг етмишинчи йилларида тоғамнинг ўғли Хушнуд магнитофон тасмасига ëзилган «From Me to You» қўшиғини қайта-қайта эшитгани эсимда.

Хушнуд мен учратган илк битломан эди. Иккинчи битломан эса Москвада рассомликка ўқиган Давронбек Йўлдошев эди.

The Beatles гуруҳи уларнинг яшаш тарзини ўзгартирган ва бошқача фикрлашга ундаган омил эди.

The Beatles қўшиқчиларини «битллар» деб аташади, шунингдек, уларни Fab Four (ингл.) деб ҳам аташди.

Жон Леннон, Пол Маккартни, Жорж Ҳаррисон, Ринго Старр иштирокидаги бу гуруҳ Британиянинг Ливерпуль шаҳрида 1960 йилда ташкил топган эди.

Шунингдек, айрим вақтларда гуруҳ таркибида Пит Бест, Стюарт Сатклифф ва Жимми Никол иштирок этишарди. The Beatles нинг аксарият композициялари Жон Леннон ва Пол Маккартни ҳаммуаллифлигида яратилган ва улар номидан чоп этилган.

Америкада 1950 йилларда ривожланиб бошлаган рок-н-ролл мусиқа йўналишига тақлид қилиб, The Beatles гуруҳи ўзларининг шахсий адабий услублари ва ижроларига эга бўлишди.

The Beatles гуруҳи рок мусиқа йўналишида жуда катта аҳамиятга эга таъсир кўрсата олишди ва бу кўплаб мутахассислар томонидан тан олиниб, XX асрдаги ижодий ҳамда тижорий томондан ҳам омадли гуруҳлардан бири сифатида эътироф этилиб келинади.

Кўплаб рок-мусиқачилар Beatles гуруҳининг мусиқаси таъсирида машҳур бўлганини эътироф қилишади.

Тўртлик Британия гуруҳлари ичида биринчи бўлиб ўз пластинкаси билан АҚШдаги чартларда машҳурлик ва биринчи ўринни эгаллади, ушбу пластинкадан бошлаб Британия жамоаларини, шунингдек, «ливерпуллик» (Merseybeat) рок мусиқаси жарангининг халқаро тан олиниши бошланди.

The Beatles гуруҳи биргаликдаги ижодини 1970 йилга келиб тўхтатди, лекин Пол ва Жон аллақачон 1967 йилдан бошлаб шоу-бизнес оламида ўзларининг шахсий лойиҳаларини жорий қилиб бўлган эдилар.

Гуруҳ парчаланганидан кейин ҳар бир мусиқачи ўзининг якка хонандалигини давом эттирди.

1980 йилда ўз уйининг олдида Жон Леннон ўлим топди, 2001 йилда эса Жорж Ҳаррисон саратон касаллигидан вафот этди.

Пол Маккартни ва Ринго Старр ҳануз ижод билан банд.

Қудрат Бобожон
Eltuz.com

Тағин ўқинг
25 ноябр 2020
Хоразмда келинга бокира эмас, деган айб қўйиб, уни видеога олган, шаънини топтаб сазойи қилган куёвнинг қариндош-уруғлари устидан Хоразм вилояти ...
8 март 2021
Бундан ўн йиллар олдин, баҳорнинг энг ёқимли палласи – апрель ойининг ўрталари эди, Олмаотага қараб йўлга чиққандим. Черняевка чегара ...
8 август 2018
Рассом Туз бугун эътиборни Россия пропагандасининг «қонхўр энага» фожиасидан Марказий Осиё муҳожирларига қарши фойдаланаётгани мавзуига қаратади. Рассом Туз 2016 ...
30 апрел 2023
1990 йилнинг 30 апрелида мустақил Ўзбекистон тарихидаги илк демократик партия – «Эрк»нинг таъсис қурултойи бўлиб ўтди. Бундан олдин ўша ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...