Дайжест
18 апрел 2016

Ажойиб хаёлпараст ёки депутатнинг чек-чегарасиз хаёлоти

«Миллий тикланиш» газетаси шу номдаги партиянинг халқ депутатлари маҳаллий кенгашлари депутатлари томонидан «халқ фаровонлиги» йўлида олиб борилаётган ишлар, улар қанчалик фаоллик кўрсатаётгани ҳақида мақола эълон қилди.

Мақолада айтилишича, «Миллий тикланиш» демократик партиясидан Халқ депутатлари Қашқадарё вилояти кенгашига сайланган депутат Косон туманидаги Гувалак қишлоқ фуқаролар йиғини аҳлининг қишлоқни ичимлик сув билан таъминлаш масаласи юзасидан ҳокимликка мурожаат этган. Ҳокимлик эса жавоб хатида қишлоқни сув билан таъминлайдиган қудуқ ва насосни манзилли дастурга киритганини билдирган.

Газетанинг ёзишича, қишлоқ аҳли шундан ҳам мамнун. Гарчи иш ҳали бошланмаган, демак бошқа шу каби кўплаб ишлар сингари бошланиши ҳам гумон бўлса-да, мазкур қишлоқ фуқаролар йиғини раиси «бу аҳоли учун яна бир қулайлик» бўлганини айтган.

Буниси ҳам майли, мазкур партиянинг Чиял сайлов округидан вилоят кенгашига сайланган яна бир депутати коллеж битирувчиларининг иш билан таъминланиши масаласини ҳал этиш учун вилоятдаги 659 та маҳаллада китоб дўконлари ташкил этишни таклиф этибди. Шунингдек, вилоятдаги мингдан ортиқ коллеж, лицей, мактаб ва 250 дан зиёд қишлоқ врачлик пунктининг ҳар бирида фитобарлар ташкил этиб, тиббиёт коллежининг 1500 дан ортиқ битирувчисини иш билан таъминлаш масалани ҳал қилиш йўлини ўйлаб топибди.

Ҳатто шаҳарларда ҳам китоб дўконлари йўқ бир пайтда вилоятдаги барча маҳаллаларда китоб дўконлари ташкил этиб, битирувчиларни иш билан таъминлашни хаёл қилган депутатнинг орзулари «ажойиб хаёлпараст»никидан қаери кам?!

Қолаверса, бу масала халқ депутатлари вилоят кенгашининг доимий комиссиясида муҳокама этилгани, вилоят ҳокимлигига юборилган бу таклифни ўрганиш учун амалий ишлар бошлаб юборилганига нима дейсиз?!

«Однако, показуха!» дейилади шекилли бунақа ишлар ўрисларда.

Eltuz.com

Тағин ўқинг
19 сентябр 2015
Бугун ижтимоий тармоқ орқали билдирилишича, кеча тушлик пайтида Андижон вилоятининг Мархамат туманидаги 31-мактабдан икки нафар биринчи синф ўқувчилари ўғирланган. ...
16 март 2022
Намангандаги солиқ амалдорларининг коррупцион жиноятлари ҳақида мамлакатнинг энг олий идоралари раҳбарларидан бири далил келтирганига қарамай, улар ўз фаолиятларини бамайлихотир ...
6 март 2023
Иқтисодни ҳар ким хар хил талқин қилади. Аммо ҳамма гап уни ўзгартиришдадир. Ўзбекистондаги иқтисодий ислохотлар ҳақида гапириш бу ярим ...
1 май 2015
Ислом Каримов Ўзбекистонга 1989 йилдан раҳбарликни бошлаган. 24 йил аввал. Жуда ҳам қадимдан. Бу вақт ичида у анча қартайиб ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...