27 июн — биринчи ўзбек газетаси чиқди

1906 йилнинг 27 июнида Тошкентда Тараққий газетаси чиқа бошлади

Туркистонда биринчи жадид матбуот органи “Тараққий” газетаси Тошкент шаҳрида Исмоил Обидов муҳаррирлигида, 1906 йил 27 июндан эътиборан чоп этила бошланган. Унинг таҳририяти Ўратепа кўчаси, 97 уйда жойлашган эди.

Газета баҳоси бир йиллиги 5 сўм, олти ойлиги 2 сўм 50 тийин, уч ойлиги 1 сўм 50 тийин бўлган, бир донаси 50 тийиндан сотилган. Газета тўрт саҳифада чоп этилиб, унда эълонлар ҳам босилган. Эълонлар газетанинг биринчи саҳифасида сатрига 40 тийиндан, охирги саҳифада сатрига 20 тийиндан босилган.

“Тараққий” газетасининг шиори: “Нажот: маслакда сабот, тўғриликда ижобат” деб номланган. Нашр “илмий, адабий, сиёсий, фаний, тижорий” газета бўлганлиги унинг ўзида таъкидлаб кўрсатилади.

Газета фаолияти жуда қисқа вақт давом этди, Шундан сўнг М. Абдурашидхонов муҳаррирлигида “Хуршид” газетасини чиқарила бошланди. 1907 йил 21 августда “Тужжор” газетаси чиққан.

27 июн, айни пайтда Ўзбекистонда матбуот ва оммавий ахборот воситалари ходимлари куни сифатида нишонланади

Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

Ўзбекистонда агар сиз ҳукуматни мақтасангиз одамлар ҳам сизни гапингизга қўшилишади, агар танқид қилсангиз сиздан азроилни кўргандек қочишади

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.