«Қайдан келдинг, Мирзиё! Биз сени кутганмидик?»

"Қарғалганлар қўшиғи"да эрксизлик домида қолаётган халқ дарду алами акс этади

Шавкат Мирзиёевнинг давлат тепасига келиши ортидан одамлар халқ оғзаки ижоди шаклида видео, ҳажвий суратлар билан бирга шеърлар ҳам ёза бошлашди.

Ботир Ёдкаш тахаллуси остида Eltuz.com нашрига шеърини жўнатган муаллиф уни «Қарғалганлар қўшиғи» деб атайди. У ўз шеърида йиллар давомида эрксизлик гирдобида қолаётган халқ дарду аламини акс эттиради.

Қарғалганлар қўшиғи

Эй Мирзиё, Мирзиё
Сен бўлдинг-у ВРИО
Умидлар бўлди рўё…
Қайдан келдинг эй Бало!
Биз сени кутганмидик?
Чорак аср қон қусиб
ўпка, жигар, жон қусиб
Бошдаги ойболтангни
Ё ҳеч унутганмидик?..

Эй Мирзиё, Мирзиё
Отам дейсан, отангнинг
Меросин ғорат қилиб
Намоз ўқидингми сен
Шу кун таҳорат қилиб?
Отангнинг гўрида ҳам
Турдинг маҳобат қилиб,

Эй Мирзиё, Мирзиё
Оллоҳ синар бу халқнинг
Сабрини сен синама!
Очиқ қўл Искандарнинг
Қабрини сен синама!
Жиззахдаги муштумзўр
Зарбини сен синама!

Эй Мирзиё, Мирзиё
ўйлайсанки сайловда
Қайтадан туғилгайсен
Илоҳим баддуодан
Ҳар кеча бўғилгайсен
Маҳшарда отанг билан
Бир жойга йиғилгайсен

Эй Мирзиё, Мирзиё
Қулоқ тутганмидинг ҳеч
Халқнинг фарёд, унига.
Оғзинг кўпик, тупурдинг
Асосий қонунига.
Давлатман дейсан, аммо
Арзимайсан жунига!..

Эй Мирзиё, Мирзиё
Гарчи мастсан қудратдан
Шарбатинг татимагай!
Бўйинг бир қарич, асло
Савлатинг татимагай!
Етимлардан юлинган
Сарватинг татимагай!
Шуҳратинг, шавкатинг ҳам
Давлатинг татимагай!
Эй Мирзиё, Мирзиё,
Эй сен зулмат, кир зиё!

Ботир Ёдкаш
Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

Ўзбекистон хукуматининг ОАВлари, наширётлари, воқеаларни ёритишда совет пропагандасидан қилча фарқ йўқ. Совет даврида ҳам кўзга кўринган адиб, шоир, санъаткорларни пахтада даласида турғизиб суратлар ва жонли тасмаларда кўрсатишар эди. Мана бу суратда ҳам машхур ашуллачини қўлида олтин соати, устида тоза чармдан куртка, тоза кийимлари билан тарғибот суратини олиб, нашр қилишган.

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.