Мирзиëев шарафига палма япроғи

Ветролет учса осмонга қараб “ана Мирзиëев” дейдиган замон ҳам келди

Тошкент марказида тураман, балкондан олий мажлис кўринади, сал нарида прокуратура. Аммо шунча йилдан бери дом олдидаги бир уюм чиқинди олинмасдан ëтувди. Ëлғон бўлмасин Наврўздан бери.

Кеча Мирзиëев келади деб ўша чиқиндиларни кўринмас одамлар тозалаб ўрнига палма экиб қўйишибди. Ҳамма ҳурсанд, кимдир қолган умрида палма кўрганига, кимдир чиқинди ҳиди нари бўлганига. Шу пайт осмондан пат-пат қилиб тикучар учиб ўтди. Ҳожи бобою ҳожи оналар осмонга қараб “ана Мирзиëев” деб дуога қўл очишди.

Кечагина атрофи темир панжаралар билан ўралган машиналар турадиган майдон ўрнида ранг-баранг гуллар очилиб ётибди. Турар жой, ҳукумат бинолари, ресторанларнинг деворлари янги бўялган, бир кун аввал ташландиқ ҳолда ётган жойда болалар майдончаси қурилган, кўчалар супуриб сидирилган, йўллар озода, хуллас, ҳайратдан қотиб қолдим, ҳушим бошдан учди кетди…

Айни куз авжида анвойи гулларнинг барқ уриб очилишини қаранг. Сабабини суриштирсам, гузаримизга Вазири аъзам ташриф буюрарканлар.

Ëнимиздаги бозорчада бодринг сотадиган ҳола чин дилдан дуо қилди. Ҳоланинг айтишича энди бундан буëн бодринг сотганда касса аппарат керак эмас экан.

“Мирзиëев бекор қилдилар касса аппаратни, илойим имзо қўйган қўллари дард кўрмасин”

Ҳожи боболар тилида эса бошқа гап:

“Бу боришда ўлдиришади буни”

“Э ўлдиришмайди, Аллақачон СНБ охранасидан воз кечибдику. Алишер Усмонов охран юборибди Шўкатакани қоровуллайсан деб”

“Путинни ўзи чинор қўндоқли гвардия аскарларини жўнатибди қоровулликка”

Тошкентдан мактублар

Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

Қўрқув ўрнаги ўзбек жамиятига аллақачон сингдирилган ва иш бермоқда, демак бу, сўз эркинлигини талаб қилганлар умуман эркидан маҳрум бўлишини эслатиш учун ҳам, Солижон турмада қолиши лозимлигини англатади

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.