3 ноябр — SOS, ҳалокат сигнали тасдиқланган кун

SOS сигналини жўнатаётган телеграфчи сурати: Нью-Йорк 1912 © Century Company.

1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи мужда сифатида қабул қилинди.

Морзе алифбосида “учта нуқта, учта тире ва яна учта нуқта”дан иборат бу сигнални, бундан аввалроқ, денгиз алоқасида фойдаланилган CQD сигнали ва қуруқликда фойдаланилган CQ сигнали билан адаштирмаслик керак.

Кўпинча SOS сигналини турли хато аббревиатураларга йўйиб адаштиришади, масалан, Save Our Souls/Save Our Spirits (бизнинг жонимизни сақланг), Save Our Ship (бизнинг кемамизни қутқаринг), Swim Or Sink (сузинг аксинча чўкамиз), Stop Other Signals (бошқа сигналларни тўхтатинг) шунингдек русча Спасите От Смерти (Ўлимдан қутқаринг), ва ҳоказо.

Уларнинг бари SOS халқаро сигнал сифатида қабул қилинганидан кейин пайдо бўлган талқинлардир. Википедияга кўра, ушбу сигнал учун осон ва тез англашиладиган морзе харфлари танланган.

1999 йилнинг 1 февралида SOS сигнали Халқаро денгиз ташкилоти томонидан автоматлаштирилган GMDSS тизими билан алмаштирилди, бироқ ҳалокат ва офатни билдириш учун ҳалигача SOS сигналидан фойдаланиш мумкин.

SOS cигнали товуши мана бундай эшитилади:


Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

Фирибгару қартабозлар билан тўла Одессани ҳайратга солиш қийин. Аммо Роберт қўлига қайчи олиб қоғоздан силуетлар кесганида Одессанинг мана-мен деган оғалари ҳам ҳайрон қолишган.

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.