Асосий мавзулар
23 декабр 2016

Дунё бўйича энг паст интернет…

Ўзбекистондаги интернет сайтлари шу вақтгача тилга олинмаган муаммоларни ёритиб, ёзма нашрларга қараганда анча «довюраклашиб» бораётгандек таассурот қолдирмоқда.

Хусусан, Kun.uz сайти «республикамизда интернетга уланиш бўйича провайдерлик хизматини таклиф қилаётган фирма ва компаниялар, хусусан, юртимиздаги энг йирик, таъбир жоиз бўлса, интернет хизмати ва телекоммуникация соҳасида монополия даражасидаги» «Ўзбектелеком» компаниясини танқид остига олди.

«…Афсуски, компаниянинг ушбу соҳадаги фаолияти сифат даражасида эмаслиги, унда мижоз билан ишлаш, унинг талабларини эътиборга олиш, боз устига, шартнома шартларига оғишмай амал қилиш тўғри йўлга қўйилмагани ҳар бир мижознинг хуноби чиқишига, асаби бузилишига сабаб бўлмоқда», деб ёзди сайт.

Сайт «Ўзбектелеком»нинг «Uzonline» провайдерини меҳнатни бозор талаблари асосида ташкил эта олмаётганликда айблар экан, «балки шунинг учун ҳам республикадаги интернет тезлиги етакчи рейтинг агентликлари томонидан тузилган жаҳон мамлакатларидаги интернет тезлигига доир тадқиқотларда охирги бешликка киритилар?!» дея киноя қилади.
Мақолада компания муайян тарифда белгиланган интернет тезлигини таъминлаш у ёқда турсин, унинг ярмини ҳам бера олмаётгани билдирилади.

Унда компания интернет тезлиги пастлигига линиялар бандлиги ёки эскирганини, хорижда рўй берган носозликларни баҳона қилиб кўрсатаётгани таъкидланади ва бу каби муаммоларни ҳал этиш аслида «Ўзбектелеком» зиммасида экани қўшимча қилинади.

«Қачонгача зиммамиздаги вазифалар бажарилмаётганини мардларча тан олиб, уни тузатиш ўрнига турли важларни рўкач қилаверамиз?!» дея савол қўйилади мақолада.
Муаллиф Ўзбекистондаги бошқа интернет провайдерларида ҳам вазият шундайлигини тахмин қилар экан, «интернетга уланиш хизматини таклиф қилувчи мобил алоқа операторлари ҳам 4G тармоқ дея баландпарвоз гаплардан нарига ўта олмайди», дейди.

Унинг айтишича, «мобил телефонингиз экранида 4G белгисининг туриши сизга шу тезликда интернетга уланиш бахти тақдим этилаётганини англатмайди».

«Бунга ишончингиз комил бўлаверсин. Чунки 4G тезлиги қанақа эканини бевосита фойдаланиб кўрганлар жуда яхши билади», дейилади истеҳзо билан мақолада.
Мақоланинг эътиборли жиҳати шундаки, шу пайтгача маҳаллий нашрларда Ўзбекистонда интернет тезлиги дунёда энг пастлардан бири экани ҳеч қачон очиқча ёзилгани йўқ.

Мамлакатдаги мавжуд вазиятни ҳисобга олиб, бу «сир»ни ошкор этгани, интернет хизмати кўрсатишдаги давлат монополистини танқид қилгани учун сайтга нисбатан қандайдир чоралар кўрилишини тахмин қилиш мумкин назаримизда.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
29 апрел 2019
Ўзбекистондаги «Вақф» хайрия жамоат фонди раиси Искандар Халилов хизмат машинаси сифатида миниб юрган «Малибу-2» автомобили тармоқларда баҳс уйғотди. “Вақф” ...
17 январ 2021
Шоира Гулчеҳра Нуруллаева билан суҳбат, 1988 йил. — Гулчеҳра опа, ҳозир қайта қуриш даврида яшаяпмиз. Суҳбатимизни шу мавзудан бошласак. — Мен қайта қуришни ўзим учун янгилик деб билмайман. Энди ўйласам, уруш йиллари қандайдир «хундори» тайёрлаб, маҳалламиз болаларини текинга даволайдиган отам, сўнгги бурдани «нон»лаб ортидан эргашибюрган қизига эмас, қўшнининг очдан ўлаётган боласига олиб чиққан онам қайта қуриш одамлари эканлар. Бир воқеани эсласам, кўзимга ҳали-ҳали ёш қалқади. 1956 йил. Ўнинчини эндигина битирганман. Мактабимиз директори Ҳафиз Енгаличев менга: — Сени Москвага, МГУга ...
30 май 2016
Фарғона шаҳрида ўтган “Универсиада” спорт мусобақаларининг энг қизиқ воқеаси албатта, ёшгина милиционернинг мамлакат бош вазири Шавкат Мирзиёевнинг йўлини тўсгани ...
5 феврал 2016
Рассом Элсевар бугунги ҳажвий расмини, Ўзбекистонда газ, сув, электр ва бошқа коммунал тўловлардан қарзлар муаммосининг қандай ҳал этилаётганига бағишлади. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...