Исломий инқилобни суратга олган ижодкор

Қайта қуриш даврида Исломга интилган Совет ўрта осиëси эронлик фотограф назарида

Дунëдаги энг иши юришган фотосуратчилардан бири 73 яшар Аттор Аббос Эронда дунëга келиб Парижда дунëга танилди. У ҳали саккиз ëшда эканида Франция назоратидаги Жазоирга кўчиб ўтди.

Бухоро, 1993 йил. Жуиборий Калон мадрасаси, диний таълим мактаби © www.abbas.site

1978 йилдан то 1980 йилгача ҳукм сурган Эрон Исломий инқилобини Аббос қўлидаги фотоаппарат билан кузатади.

1983 йилда Мексикага саëҳат қилган Аббос бу мамлакат кўринишларини суратга олиш асносида фотография маслагига ошиқ бўлди.

Бухоро, 1993 йил. Мир Араб мадрасаси, талаба © www.abbas.site

Шундан кейин Марокашга сафар қилган Аббос бу мамлакатда узоқ қолди ва исломга талпиниш мавзусини ўзи учун кашф қилди.

Бу мавзуни ëритиш учун Аббос уруш жангохлари, маҳаллий низо олови чиққан жойлар, инқилоб ва тўнтаришлар боис ағдар-тўнтар бўлган маконларни кезиб чиқди.

Бухоро, 1993 йил © www.abbas.site

Бу заҳмат замараси ўлароқ 1994 йилда унинг “Оллоху Акбар: Жангари ислом узра саëҳат” деган фотоальбоми нашр қилинди.

Самарқанд, 1993 йил. Қуръонни ўрганиш мактаби © www.abbas.site

Бу китоб 2001 йилда террор ҳужумини бошдан кечирган АҚШда машхур бўлди.

Самарқанд, 1993. Имом Ал Бухорий мадрасаси © www.abbas.site

Горбачевнинг “қайта қуриш” йилларида Аббос Марказий Осиëга сафар қилиб исломга интилиш ҳаракатларининг тетапоя даврини тасмага мухрлади.

Хива, 1987 йил © www.abbas.site

Бу расмларда шўро атеизмидан чарчаб, Горбачев берган озодлик қанотида исломга талпинган минтақа аҳолисининг бокира туйғулари акс этган.

Бухоро, 1993 йил. Мир Араб мадрасаси © www.abbas.site

Аббос “Магнум Фотос” агентлигининг эгасидир.

Акмал Ризаев

Ўзбекистонлик муаллиф таҳаллуси
Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

“8-oй, 8-кун 8-канал! 888-сатаник рақам”. Бошқа бир рақам машъум фожиа қурбонларининг расмийлар айтаётган сони – 13 нафар. Фожиага кўпчилик, собиқ прокурор, эндиликда Урганчдаги 8-ТВ канал рахбари Улуғбек Собировнинг харакатлари сабаб бўлганини айтмоқда.

— Мақолани тўлиқ ўқиш: http://www.eltuz.com/?p=336

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.