Асосий мавзулар
12 январ 2017

Коррупцияга қарши коррупционерлар курашадими?

Ўзбекистонда «Коррупцияга қарши курашиш тўғрисида»ги қонуннинг қабул қилиниши ортидан сенатор ва депутатларнинг бу ҳужжатга оид баландпарвоз чиқишлари пайдо бўла бошлади.

Хусусан, «Халқ сўзи» газетасида (11.01) сенатор Гулчеҳра Сатторованинг шу мавзудаги мақоласида бу қонун «кенг жамоатчилик томонидан катта қувонч билан кутиб олингани» айтилади.

Муаллиф сўнгги йилларда коррупцияга қарши курашиш йўлида бир қатор ҳуқуқий-норматив ҳужжатлар қабул қилинганини билдирар экан, янги қонун «ижтимоий-иқтисодий ислоҳотлар самарадорлигига салбий таъсир кўрсатаётган омилларни чуқур таҳлил қилиб» ишлаб чиқилганини таъкидлайди.

Афсуски, мақолада нега мамлакатда 25 йилдан буён бундай қонун қабул қилинмагани, бу борадаги мавжуд норматив ҳужжатлар нега ишламаганига тўхталиб ўтилмаган. Муаллифдан буни кутишнинг ўзи ўликдан жон тилагандек бўлади назаримизда.

Лекин сенатор хоним айтганидек, янги қонун «фуқаролар ҳуқуқ ва эркинликлари ҳимоя қилинишини таъминлашнинг қўшимча ҳуқуқий кафолатларини яратади»ми?

Ҳозирча бундай дейишга асос кўринмаяпти. Чунки марҳум президентнинг қизи билан боғлиқ коррупцион жараёнларда айбланаётган шахс бош вазир, худди шундай жиноятлари учун 20 йилга шартли жазога тортилган киши қурилиш соҳаларига мутасадди, хуллас, халқ мулкини ўғирлашда айбланиб кўчага улоқтирилган собиқ амалдорлар яна ҳокимиятга қайтарилаётган бир пайтда яна нима хулоса қилиш мумкин?!

Бундай вазиятда коррупцияга қарши курашиш коррупционерларга юкланяптими, деган ҳақли савол туғилиши табиийдир.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
1 ноябр 2020
Қишлоқ хўжалиги мутахассиси ва Навоий вилоятининг Конимех тумани собиқ ҳокими 70 яшар Исмоил Оспанов «Элтуз» орқали ўз туркум чиқишларини ...
14 сентябр 2020
Ўзбекистонда 14 сентябрдан бошлаб айрим мактаблар анъанавий тарзда навбатдаги ўқув йилини бошлади. Тошкент шаҳри халқ таълими бошқармасининг хабар беришича, ...
12 ноябр 2015
Паҳлавон Содиқ Би би си 1999 йил кузида Олий Судда Тошкент портлашлари юзасидан суд мажлисларидан бирига Мурод Жўраевни қўлларида ...
22 сентябр 2016
Қишлоқ хўжалигидан йироқ турли касбдаги одамлар, нафақат ўз оиласи ва ишини ташлаб далага чиқиши, балки бу ҳақда гапирмасликлари, шикоят ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...