30 ноябр 1991 йил — матбуот нималарни ëзган эди

Қўлимизда янги ўзбек сиëсий тарихи учун муҳим бир ҳужжат турибди.

Бу 1991 йил 30 ноябрдаги “Правда востока“ газетаси. Газетада сўнгги 27 йил ичида ўзбек миллатига берилган ягона сиëсий танлов ҳақи акс этган.

12583734_572855266212645_774823532_n

1991 йил 30 ноябрдаги “Правда востока “ газетаси

Газета 1991 йил декабрига белгиланган президентлик сайлови пойгасида қатнашадиган икки номзод ҳақида билги беради. Бу сайловда марҳум президент Ислом Каримовнинг рақиби «Эрк» демократик партиясининг раиси Муҳаммад Солиҳ бўлган эди.

Нарҳи ўша пайт пул билан 8 тийин бўлган бу газетада ҳали СССР тарқамаган каби мазмундаги мақолаларни ҳам кўрамиз.

Газетада чоп қилинган ТАСС га оид мақола “Украина мустақиллигини АҚШ тан олиши ëмон оқибатларга сабаб бўлишидан” огоҳ қилади.

Айни саҳифада Қирғизистон ССР Бош вазири Насридин Исановнинг авиаҳалокат оқибатида 29 ноябрь куни ҳалок бўлгани ҳабари чоп қилинган.

Саҳифа бошида эса СССР парламенти қуйи палатаси СССР Давлат банкига СССР молия вазирлиги учун 90 миллиард сўм (совет сўми) ажратишга изн бергани ëзилади.

Ўша куни Москвада чоп қилинган «Независимая газета»си эса,”Совет империяси ўлди” деган сарлавҳани манжетга чиқарди.

Айни газетада Литвадаги КГБ жосуси бўлган сиëсатчилар сазойи қилингани ва Арман Озари чегарасида отишмалар тинмаëтгани ҳақида ҳам ëзилади.

Газетада 30 ноябр куни Москвадаги бўшаб қолган озиқ-овқат магазини устига ГКЧП тарафдорлари қизил байроқ тикиб унга “ГКЧП тирик. Ура!” деган ëзувни ëзгани билан боғлиқ ходиса ҳақида ëзилади.

Эслатиб қўямиз, 1991 йил 30 ноябрида магазин устига қизил байроқ осиш, шу кунларда Тошкентда ИШИДнинг қора байроғини осиш билан тенг оқибат касб қилган.

Eltuz.com

Facebook orqali izoh qoldirish
Изоҳсиз

Изоҳ қолдириш

Кун иқтибоси

Наманган вилояти Косонсой тумани Чиндовул қишлоқ фуқаролар йиғини раиси Ш.Рустамов фуқаро А.Тошпўлатовдан унинг отасини Саудия Арабистонига – ҳаж зиёратига юбориш эвазига 200 доллар пора олаётганда ушлангани тўғрисида Ўзбекистонда чиқадиган “Диёнат” газетаси ўзининг 10 сентябрь сонида ёзди. Ҳажга боришни истаган тошкентлик аёл Шоира Содиқбековага 148 йил навбат кутиши айтилди, — унинг англашича, бу Ўзбекистонда пора бермасдан ҳажга боришнинг ягона йўлидир.

Имейл орқали обуна бўлиш

Мақолаларимизни доимий олиб туриш учун электрон почтангизни ёзинг.