Асосий мавзулар
19 май 2018

19 май – таниқли ўзбек кинорежиссёри Али Ҳамроев 80 ёшда

Али Ҳамроев фильмлари мавзу доирасининг кенглиги, динамикасидан ташқари инсоний кечинмаларининг чуқур акси билан ҳам замондошлари кино асарларидан ажралиб туради.

rasm1419
Али Ҳамроев «Еттинчи ўқ» фильмини олиш жараёнида

Режиссёрнинг «Оппоқ лайлаклар», «Инсон қушлар ортидан боради», «Триптих», «Ёр-ёр!», «Қайдасан, менинг Зулфиям», «Водиллик келин» асарлари бунга мисол.

Али Ҳамроев ижодида яна бир йўналиш инқилобий тарихий ва уруш мотивлари акс этган «Фавқулодда комиссар», «Еттинчи ўқ», «Кобулдаги жазирама ёз» фильмларида кўринади.

Ўзбек кино устасининг халқаро эътирофи

Али Ҳамроев фильмлари нафақат ўзбек ва совет ҳудудида, балки халқаро кинофестивалларда ҳам юксак совринларга сазовор бўлган.

rasm1418
Али Ҳамроев Паражанов билан

Унинг 1975 йил суратга олган «Инсон қушлар ортидан боради» фильми Деҳли кинофестивалида энг яхши режиссёрлик иши сифатида иккинчи мукофотга ва «Кумуш товус» совринига сазовор бўлди.

1979 йил суратга олинган “Триптих” асари эса Сан-Ремо кинофестивалида энг яхши асар сифатида Гран-при совринини қозонди.

Али Ҳамроев ижодига италиялик буюк режиссёр Микеланжело Антониони ҳам юксак баҳо берган ва Амир Темир ҳақидаги фильм устида ишлаш учун Италияга таклиф қилган эди.

Ҳамроев ўз маблағи ҳисобидан Афғонистонда бўлиб, 1998 йили Шимолий альянс лидерларидан бири, ўзбек генерали Абдурашид Дўстим ҳақида ҳужжатли фильм суратга олган.

Ижодкор оиланинг бобокалони

Отаси риштонлик тожиклардан, онаси эса украиналик бўлган Али Ҳамроев бугун уч фарзанднинг отаси ва невара-чевараларнинг бобоси.

Али Ҳамроевнинг отаси Эргаш Ҳамроев ўзбек киноси сценарийчиси ва актёри, онаси эса киностудия диспетчери бўлиб ишларди.

Отаси Эргаш Ҳамроев 1942 йили Вязьма остонасидаги жангларда ҳалок бўлган.

Катта қизи Лайли 50 ёшда. У кино институтини битказган, эндиликда киношунослик билан шуғулланади. Кичик қизи Асал – журналист. Ўғли Али Эргаш кинорежиссёр.

Али Ҳамроев набираларидан бири Халқаро алоқалар институтини тамомлаб, АҚШ ширкатларидан бирида ишлаётганини ҳам ғурур билан эслайди.

Али Ҳамроевнинг «Еттинчи ўқ» фильми (1972)

Eltuz.com

Тағин ўқинг
22 март 2016
Ўзбекистонда 2015 йилги пахта йиғим-терими мавсумида тўпланган маълумотлар ҳукумат мажбурий меҳнатдан тизимли равишда фойдаланишга чек қўйиш учун зарур ислоҳотлар ...
28 июл 2016
Самарқандда марказий йўл чеккасида яшовчи аҳолига, томларини янги, махсус рангдаги шифер билан қоплаш ва уйи олдига бир ярим метрлик ...
30 ноябр 2017
«Пахта кампанияси» меҳнат ҳуқуқи бўйича эксперт Андрей Мрост томонидан ўтказилган «Ўзбекистон касаба уюшмалари федерацияси: меҳнаткашлар ташкилотими ёки ишчиларни назорат ...
Блоглар
15 ноябр 2018
Ўзбекистонда баъзан «ютуб», баъзан «фейсбук» каналлари узилишидан шикоятлар ортмоқда. 15 ноябрь куни «Элтуз» нашри Downdetector ...
14 ноябр 2018
Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги ...
13 ноябр 2018
“Бу йил фермерларга ҳар йилгидан кўра оғир бўлди. Уларга нисбатан зуғум ва зўравонликлар кўлами ошса ...