Асосий мавзулар
22 июн 2016

Истанбулда ўзбек имомини ўлдирганлар устидан ҳукм ўқилди

Истанбулнинг Бақиркўй туманидаги саккизинчи оғир жазо маҳкамасида давом этаëтган суд жараëнида қотиллик ташкилотчиси дея кўрилган Собир Шукуров ва қатлни ижро қилган Элдар Аслон айбли деб топилиб уларнинг ҳар бирига 30 йилдан қамоқ жазоси берилди.

Бу маълумотни Бақиркўй маҳкамаси матбуот ҳизмати Eltuz.Com мухбири билан суҳбатда тасдиқлади.

Истанбулдаги терроризмга қарши кураш бошқармасининг гумон қилишича, Собир Шукуров Ўзбекистон хавфсизлик тизимларида ишлаган бўлиши мумкин.

Маҳкама сўнгида маҳкумларга сўнг сўз берилди. Қатл ташкилотчиси дея айбланган Собир Шукуров ўзининг айбсизлигини таъкидлади:

«Мен яхши бир оила соҳибиман, доимо қонун-қоидаларга риоя қилиб яшадим. Аммо далил ва исботсиз қўлга олиндим. Мен айбсизман ва маҳкама қарори қайта кўрилишини талаб қиламан», деди маҳкум Собиров.

Айни пайтда саккизинчи оғир жазо маҳкамаси ҳаками маҳкумнинг шикоятини эътиборсиз қолдириб “ҳукмнинг қатъийлиги”ни очиқлади.

Андижоннинг Шаҳрихон туманида туғилган 39 яшар имом Мирзағолиб Латифович Ҳамидов 2014 йил охирида Истанбулда отиб ўлдирилган эди.

Шу йилнинг бошида Швед маҳкамаси таниқли ўзбек имоми Обид Қори Назаров жонига қасд қилган бошқа бир тошкентлик ёлланма қотил Юрий Жуковскийни умрбод жазога ҳукм қилинган эди. 57 ёшли имом бундан тўрт йил бурун, 2012 йилнинг февралида Стромсунд шаҳридаги уйи яқинида отиб кетилганди. Тергов илдизи Туркиядан топилган яна бир ўзбек киллери Улуғбек Аминов (Россия паспорти бўйича Тигрян Каплан) шахсини фош қилган, Швед прокурори Петерсон, бу иш ўзбек режимига тааллуқли эканини билдирган эди.

Eltuz.com

Тағин ўқинг
13 феврал 2018
Ўзбекистонда оғир касаллар учун ишлатиладиган оғриқни қолдирувчи наркотик ва психотроп дорилар етишмаяпти. Мамлакат дорихоналарига наркотик дориларнинг кам миқдорда етказиб ...
6 октябр 2016
Сўнгги олинган хабарга кўра бир неча соат бурун ўзбек миршаблари икки нафар французни қўйиб юборишган. Кейин ҳуқуқ ҳимоячиси Елена ...
6 ноябр 2016
Шанба эрталаб жони узилган Абдулла Орипов тошкентликлар коммунист-мозор деб айтадиган Чиғатой қабристонига дафн қилинишини Eltuz.com манбалари тасдиқлади: «Шоир жасади ...
1 сентябр 2016
Ўзбекистондаги жорий қоидага кўра, Тошкент ҳукумати амалдорлари ва президент учун аталган байрам бир кун бурун нишонланади, ундан ҳам илгари ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...