Асосий мавзулар
7 июл 2016

Европада аҳоли турмуши пасайиб, Ўзбекистонда юксалаётгани ҳақида

«Ҳуррият» газетаси Рамазон ҳайити муносабати билан эълон қилган «Эътиқод эркинлигининг тоза ҳавоси» сарлавҳали мақола юртимиз мўмин-мусулмонлари ҳайит намозини адо этиб, «Ватанимизнинг тинч-осойишталиги ва ободлиги, дастурхонларимизнинг тўкинлиги-ю ҳаётимизнинг фаровонлиги учун Яратганга чексиз шукроналар айтгани»ни таъкидлаш билан бошланади.

Кейин эса, албатта, юртбошимиз Ислом Каримов ташаббуси билан «маънавий қадриятларимизнинг узвий қисми бўлган Рамазон ва Қурбон ҳайитлари тикланиши … истиқлол шарофати» эканини уқтириш билан давом этади.

«Яқин ўтмишда шўро зуғуми туфайли эътиқодидан маҳрум этилган ота-боболаримиз ҳайит намозларини пана-пастқамда, яшириниб ўқигани» эслатилиб, «халқимиз бугунги истиқлол замонида эътиқод эркинлигининг тоза ҳавосидан нафас олаётганидан чексиз фахр ва ғурурга тўлаётгани» уқтирилади.

Мақоланинг ҳамду сано қисми якунлангач, муаллиф юртимиз қанчалик тинчу, дунё қанчалик остин-устун бўлиб ётганига эътибор қаратади. Саудиядаги Масжиди Набавия яқинида ва яна икки шаҳарда куни-кеча содир этилган террор ҳаракатлари тилга олинади.

«Турли минтақалардаги қонли можаролар, халқаро терроризм, экстремизм таҳдиди, жаҳон бўйлаб давом этаётган инқироз ҳар бир соғлом фикрли кишини мулоҳаза қилишга, аниқроғи, бугунги кунимизнинг, осойишта ҳаётимизнинг қадрига етишга ундайди», дейилади мақолада.

Шундан сўнг муаллиф «айни пайтда Европа мамлакатларида аҳолининг турмуш шароити тобора пасайиб, катта-катта корхона ва компанияларда иш ўринлари қисқартирилаётгани»дан фол очади ва АҚШда ишсиз даражаси 6 фоиз, Европада эса 12 фоизни ташкил этаётганидан ташвиш билдиради.

Мақолада бечора Европа салкам таназзулга учраётган бир пайтда «юртимизда тинчлик барқарорлиги туфайли» ялпи ички маҳсулотимиз йилига 8 фоиздан ўсиб бораётгани, дунё ҳавас қиладиган яна аллақанча ютуқларимиз борлиги таъкидланади.

Юқоридаги ҳамду саною мақтовларни, ноўрин таққослашларни ўқигандан кейин парлари ял-ял товланиб турган товусни кўриб ҳасаддан ичи куйган товуқ: «Зато, бизнинг катакдаги хўроз ҳамманикидан зўр», деб ўзини овутгани тўғрисидаги латифанамо гаплар эсга тушади.

Eltuz.com

Тағин ўқинг
13 сентябр 2018
Андижон вилоятида оммавий пахта йиғим терими ҳали бошланмаган бўлса-да, 10 сентябрь куни бюджет ишчи-хизматчиларининг дастлабки гуруҳи 10 кунлик ётоққа ...
10 май 2017
Тошкент. 2017 йилнинг 9 майи. Кўча тўла қизил байроқлар. Одамлар ўроқ ва болғали совет байроқларини кўтариб олган. Бир ўрис ...
20 апрел 2017
Ўзбекистонлик таҳлилчи Анвар Назирнинг Элтуз мухбирига билдиришича, яқинда Тошкентда ҳокимият даражасида ўтган комиссия йиғилишида кирилга қайтмаслик, лотин алифбосини сақлаб ...
11 январ 2016
Бугун  Президент резиденцияси олдида пикет ўтказганлари учун олиб кетилган намойишчиларнинг соат кечки 22.00 да  қўйиб юборилгани хабар етиб келди. ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...