ART-DURBIN
10 июл 2016

Ўзбек пахтакорининг мафтункор қиëфаси Москвада

Москвадаги ARTSTORY галереясида кўргазмага қўйилган асарлардан олтмишинчи йиллар Совет Ўзбекистонининг нафталин ифори таралади.

13533054_1059152200839971_583227174956656398_nИюл сўнггига қадар Москвада “Шарққа мафтунлик” номи билан ўтаëтган Туркистон санъати кўргазамаси бўлади.

ARTSTORY галереясининг бир нечта залларида Россиядан “Совет шарқига” келган ва ижодини Туркистон билан боғлаган рассомларнинг 1930 йилдан то 1960 йилгача чизган асарлари намойиш қилинмоқда.

Асосан ҳусусий коллекцияларга оид бўлган бу расмлар рутубатли Москва сокинларига Туркистон жазирасини ҳис қилдирмоқда.

Александр Волков, Михаил Курзин, Надежда Кашина, Виктор Уфимцев, Александр Николаев ва Николай Қорахан каби “Туркистон авангарди” асосчиларининг асарлари кўргазамага ташриф қоғози бўлди.

Шу билан бирга уруш фалокатидан омон қолиш учун Туркистонга эвакуация қилинган авангард мусаввирлар Александр Лабас ва Амшей Нюрнберг асарлари ҳам кўргазма тўридан ўрин олди.
Қаламтасвирни севадиганлар эса таниқли Совет графиги Владимир Фаворский томонидан 1940 йилларда яратилган нодир қораламаларни кўргазмадан топишди.

Туркистоннинг рус тасвирий санъати вакилларига таъсири профессионал мунаққидлар тарафидан жиддий тахлил қилиниб улар яратган асарлар қадри ошиб бормоқда.

Бу ўз навбатида санъатшуносликка «русский Восток» ва «туркестанский авангард» деган атамаларни олиб кирди.

Бу қабилдаги кўргазманинг Ўзбекистонда ўзбек томошабини учун ташкил қилинмагани таассуфдан бошқа нарсани уйғотмайди.

011-IMG_3376Ўзбек рассомларидан бирининг Eltuz.com мухбирига айтишича “Маҳаллий кураторларда дадил Арт лойиҳалар ижоби учун ташаббус ҳам элементар имкон ҳам йўқ”
Бадиий академия дея номланган “Рассомлар министрлиги” қуюшқонига қамалган ўзбек ижодкорлари ҳокимият иерархияси тарафидан фалаж аҳволга келтирилган.

Бу энди бошқа жиддий мавзу…

Акмал Ризаев,
Ўзбекистонлик муаллиф таҳаллуси, Тошкент
Eltuz.com

Тағин ўқинг
3 апрел 2018
Ўзбек журналисти ва ёзувчиси Ҳамид Исмоилов давлат уни «демократик тенденцияларга мос келмайди» деб топганидан сўнг 1992 йилда Ўзбекистондан қочишга ...
23 март 2018
Швециянинг пойтахти Стокголмда 21 март куни қозоқ, турк, эрон, ўзбек, уйғур диаспораси вакиллари Наврўз байрамини нишонлашди. Наврўз тадбирига мезбонлик ...
28 сентябр 2015
Баъзида ўзаро баҳслашаётанлар орасида бир-бирини «манқурт (зомби)» ликда айблашлар учраб туради. Хўш, аслида манқуртлар кимлар? Мен ҳозир қўлдан келганча ...
27 феврал 2016
«Озодлик» радиосининг билдиришича Тошкент шаҳридаги деярли барча банк ходимларига уйма-уй юриб кексалар пенсияларини пластик картага ўтказиш топшириғи берилган. Ҳар ...
Блоглар
24 апрел 2018
Туркманистон президенти Гурбангули Бердимуҳамедовнинг Ўзбекистонга ташрифи муносабати билан 24 апрель куни Хоразм вилоятида минглаб талаба ...
23 апрел 2018
Нукус кўчасига бурилишдаги, олдинги винзавод рўпарасидаги озиқ-овқат дўконига қараб кетяпман. Қарасам, байрамона кийинган милиционерлар, байроқча ...
23 апрел 2018
Айни кунларда Тошкентдаги умумтаълим мактабларида турникет ўрнатиш кенг кўламда, аксарият ҳолларда мажбурий тарзда бошлаб юборилган. ...