Асосий мавзулар
25 август 2016

Олимпиададаги ғалабаларнинг асл эгаси айтилди

Ўзбекистондаги барча нашрларда спортчиларимизнинг Риодаги Олимпиададан Ватанга қайтиб келишига бағишланган мақолалар эълон қилинди.

Албатта, Ўзбекистон спортчиларининг Олимпиададаги ғалабалари халқимизни қувонтирмасдан қолмади. Лекини шуки, оммавий ахборот воситалари ғолиблардан-да ошириб-тошириб бошқалар шаънига мадҳия айтишга тушиб кетди. Яъни бу ғалабаларнинг бош сабабчиси, демакки эгаси бошқа одам бўлиб чиқди.

Хусусан, «Миллий тикланиш» газетаси (24.08.2016) Олимпиададаги ғалабадан кейинги кўз ёшлари билан барчанинг меҳрига сазовор бўлган боксчи Фазлиддин Ғоибназаров тилидан у аввалданоқ олтин медаль олишни мақсад қилгани, «чунки «Гўзал ва бетакроримсан, муқаддас Ватаним, жоним сенга фидо, Ўзбекистоним!» шиори қалбидан мустаҳкам жой олгани»ни маълум қилди.

Бунинг устига, боксчимиз «минг-минглаб йигит-қизларнинг бошини силаб, барчага оталарча ғамхўрлик қилган президентимизга миннатдорлик билдирди».

Оғир атлетика бўйича олтин медаль соҳиби бўлган Руслан Нуриддинов эса «бугун жаҳон ареналарида эришаётган ҳар бир ғалабамиз президентимиз раҳнамолигида спортни ривожлантиришга қаратилаётган доимий эътибор самаралари» эканини билдирди.

Олимпия ўйинларида Ўзбекистонга биринчи бронза медалини олиб берган дзюдочи Диёрбек Ўрозбоев ҳам бу ютуқлари билан «халқимиз ва президентимиз ишончини оқлаганидан хурсандлиги»ни яширмади.

Ачинарлиси шундаки, спортчиларимизнинг тинимсиз машғулотлар, ота-оналар ва мураббийлар ёрдамида эришган бу ғалабалари халқ манфаатидан йироқ бўлган мафкура мағзавасига қориштириб ташланди.

Нима бўлганда ҳам спортчиларимиз ғалабаси қанчалик мафкурага ўралмасин, аслида ютуқлар шу халқники, шу Ватанникидир.

Eltuz.com

Тағин ўқинг
20 июн 2017
19 июн куни кечқурун президентга шикояти юзасидан Тошкентга, Ички ишлар вазирлигидаги қабулга кетаётганида Сурхандарёлик Каромат Қодирова йулда ушланиб орқага ...
16 август 2017
Шоир Мақсуд Бекжон 1961 йил Хоразмда туғилган. Москвадаги Максим Горький номли Адабиёт институтини тамомлаган. Учта шеърий китоб ва иккита ...
19 июн 2017
Ўзбекистон президенти Шавкат Мирзиёев яқинда Тошкентда дин арбоблари, жамоат ва давлат идоралари вакиллари билан ўтказилган учрашувда мамлакат учун жуда ...
5 июл 2016
Kun.uz интернет сайти «Ўзпахтасаноатэкспорт» холдинг компанияси матбуот хизматига асосланиб хабар беришича, 2016 йил пахта ҳосилини тортиш, тўғри ва тезкор ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...