Асосий мавзулар
2 сентябр 2016

Каримовни кўмиш маросими 3 сентябрга белгиланди

Самарқанд марказидаги қабристон Ўзбекистонни 27 йил бошқарган марҳум ҳукмдорни дафн қилишга ҳозир.

Ўзбекистондаги ”Eltuz” мухбирига кўра 1 сентябрдан бери Самарқандда қолаëтган Бош вазир Шавкат Мирзиëев жаноза билан боғлиқ ташкилий ишларни бошқармоқда.

rasm1810Бу орада Ўзбекистон Вазирлар Маҳкамаси 2 сентябрь тонгида Ислом Каримовнинг «соғлиги бирданига ёмонлашди»дея шошилинч ҳабар тарқатди.
Вазирлар маҳкамаси шифокорларга таяниб президент вазиятини «ўта оғир» дея баҳолади.

«Азиз ватандошлар, чуқур қайғу билан шуни маълум қиламизки, ўтган суткада Президентимизнинг соғлиги бирданига ёмонлашди ва шифокорлар вазиятни ўта оғир деб баҳоламоқда», – дейилади хабарда.

”Eltuz” мухбирининг айтишича оддий аҳоли Каримовнинг ўлганини аллақачон билиб бўлган:

Қўл телефонларида Каримов ўлганига бағишланган марсия шеърлар тарқатилмоқда. Мана шулардан бирини ўқиб берсам.

Юрт Отаси жаннат деган жойда энди,
Бугун йиғлаб уйғонади Ўзбекистон!
Бел боғлайди миллион – миллион ўғлонингиз,
Фиғонлардан тарс ёрилиб кетар осмон.
Обод бўлсин энди охир маконингиз.
Сўнги йўлга кузатади Ўзбекистон.

Самарқанддаги оддий аҳолига уйдан ташқарига чиқмаслик, буюрилди, деди ”Eltuz” мухбири.

Мухбирнинг ўз тасарруфидаги маълумотларга асосланиб айтишича, Каримовнинг жасади солинган учоқ 2 сентябрь куни Самарқандга келган.
Унга кўра, Самарқанд халқаро аэропортига тинимсиз учоқлар келмоқда.

Маълумотларга кўра, 3 сентябр куни Ўзбекистонга Росия федерацияси Президенти Владимир Путин ва АҚШ Давлат котиби Джон Керри Ўзбекистонга келмоқда,

Қозоғистон президенти Нурсултон Назарбоевнинг ҳам шанба  -3 сентябр куни Ўзбекистонга бориши маълум бўлди.

Бу ҳақда Reuters агентлиги Қозоғистон ҳукуматидаги манбаларга таянган ҳолда хабар берди.

Аввалроқ Қозоғистон президентининг Хитойга G-20 саммитига борши режалаштирилгани айтилган эди. Reuters агентлигининг ёзишича, Назарбоевнинг

Ўзбекистонга келиши Хитой сафари кечиктирилганини англатади.

2 сентябр куни Reuters учта дипломатик манбага асосланиб Ислом Каримовнинг ўлганини маълум қилди.

Бундан олдин 29 август куни Eltuz.com Ўзбекистон президенти ўлими ҳақида ҳабар берган эди.

Eltuz.com

Тағин ўқинг
13 май 2019
Боя сайтда фирибгарлик айби билан қўлга олинган мансабдор ҳақида бир мақола пайдо бўлди. Кейин кириб қарасам, мақола ўчиртирилган. Ва ...
11 феврал 2020
Ижтимоий тармоқда «Илҳом» театридан бинонинг олиб қўйилишига қарши норозилик ортидан 11 февраль куни Маданият вазирлиги театрнинг ўз ўрнида қолишини ...
18 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 36-қисм. Аудиокитоб матнини муаллифнинг ўзи ўқиган. Давоми бор.) Л.А.Н Мени енголмади ...
28 март 2017
20 март куни эълон қилинган энг бахтли мамлакатлар рейтингида Ўзбекистонликлар барча собиқ Совет давлатларини ортда қолдирди. Gallup тадқиқот маркази ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...