ART-DURBIN
12 сентябр 2016

Бўлсам ёрла тўшакда, Партиям, сен юракда!

rasm3045

Ёз келди, тугади қиш,
Партиямга минг олқиш!
Мўридан ўрлар тутун,
Партиям борлигичун!
Тонг отиб ёришди кун,
Партиядан биз мамнун!
Жумадан сўнг келди шанба,
Партиям сабаб, манба!
Шанба ўтди, дам олиш,
Партиямга минг олқиш!
Кислород бор, ҳойнаҳой,
Партиям меҳрга бой!
Оқ кўкракли дилдорим
Берган ҳам ҳукмдорим.
Бўлсам ёрла тўшакда,
Партиям, сен юракда!

Сталин даврига бағишланган мазкур саркастик мисраларни ўқиб, бу ўтмишда бўлган, дея табассум қилардик. Гўëки шахсга сиғиниш даври билан аллақачон хайр-хўш қилгандик. Аммо ўзбек президенти ўлар экан, унга аталган кўз ëшли алëрлар, марсия ва мадҳияларни эшитиб, миллат ҳануз ўша ботқоқда экан, дея ғамгин бўлдим.

rasm3047

Мамлакат касал, касал бўлганда ҳам жиддий касал.

Маҳаллий аҳолининг оҳ-воҳли фарëдлари ва ўзбек матбуотининг пафосли репортажларини кўриб, совет ўтмиши билан параллеллар қурдим. Каримовнинг бирдан ўлгани “журналист” ва ташвиқотчиларни қисқа муддатда фалаж қилди ëки улар ичи қотиб, ҳожатга чиқа олмайдиган ҳолатда бўлишди. Улар бутун бир ҳафта давомида оғизларида қатиқ ивитиб, юқоридан изн келгунига қадар жим ўтиришди. Уларнинг оғзидан «президент аҳволи» ҳақида бир оғиз гап чиқмади. Улар бир сатр жумла ҳам ëза олишмади. Кейин махсус хизмат дея аталган МХХдаги кураторлар уларга қарата: “Эркин фикрли матбуот ва журналистларга қараб вовулланг”, дея буйруқ берди. Улар алоҳида иштаҳа ва ғайрат билан эгаларининг буйруқларини адо қилишди. Энг садоқатли, зотдор този итлар ҳам ҳавас қиладиган вафодорлик намунасини кўрсатишди.

Каримовнинг кутилмаган ўлими қисқа бир вақт давомида бекитилгани, давлат «журналистлари»ни мулзам қилди, улар «юқори»нинг изнисиз президент ҳолати ҳақида бир сатр ҳам ёза олмадилар.

rasm3044

Айни ҳол чет эл медиасидаги истеҳзоли мақолаларга мавзу бўлди. Дунë кўзи ўнгида Ўзбекистонни ҳазил-мазахга айлантирган ташвиқотчилар “Каримов тинчлиги” деган пластинкани айлантириб, ëввойи васвасанинг нодир намуналарини намойиш қилишди. Бу васваса, айниқса, ижтимоий тармоқларда режим парваришидаги “блоггер”лар тарафидан урчитилди.

“Биз бунга йўл қўймаймиз! Ватангадо душманларга йўл йўқ! Шоқоллар! Империализм ва Ғарб давлатларига ëлланганлар! Халқ душманлари! Улар бизнинг фаровонлигимизни кўра олмайди! Жамият чиябўрилари!»

Сталин даврида қолиб кетган, нафталин ифорли бу тахлит чақириқларни бугунги кунда эшитиш кулгили ва аламли!

Асосан қашшоқ ҳаëт кечирадиган Ўзбекистон аҳолисининг аксари, бу маърака режиссёри ғоясига кўра, патриотик экстаз ҳамда васвасада якдил бўлмоғи лозим. Айнан шу ҳолатда улар ҳокимиятнинг навбатдаги ҳаракатини лиқ этиб юта олади.

Улар аллақачон Сенат раиси ўрнига Бош вазир вақтинча президент қилингани билан боғлиқ конституциянинг қўпол бузилишини ëғдай ютишди.

Иккинчи президент сайлови 4 декабрга белгиланди. Олдимиздаги 3 ойда аҳолининг патриотик васваса кайфиятини янада хуруж олдириш учун тайëргарлик кучайтирилди. 2016 йилнинг сентябри ўзбеклар оммаси (тўдаси) янги мустабид тиранни улуғлаш учун овозини созламоқда.

Бизнинг ўлкамиз ўтган асрнинг 30-йилларидаги шахсга сиғинишнинг сассиқ ботқоғидан чиқмаган ҳолда “барқарор” турибди.

Акмал Ризаев
Ўзбекистонлик муаллиф тахаллуси, 
Фотографиялар: Россия кинофотоҳужжатлар давлат архивидан, 1936
Eltuz.com

Тағин ўқинг
22 апрел 2016
«Авакян иши» номи билан шов-шув бўлаётган жиноят иши тўғрисидаги «фош этувчи» тафсилотлар Ўзбекистон ТВси экранидан ўзбек интернет ресурсларига кўчди. ...
7 июн 2016
Ўзбекистон телеканалларида мамлакат иқтисодиётининг «қудрати», «имкониятлари», дунёда салкам энг ривожланган экани тўғрисида эшитсангиз ажабланманг. Чунки 20 йилдан ошдики, фақат ...
21 апрел 2017
Ўзбек нашрлари барча савдо субъектларида касса аппарати жорий этилиши ҳақидаги президент қарори ижроси ҳақида ёзаркан, тадбиркорлар ва банклар ўртасидаги ...
15 ноябр 2016
Уотсон 1889 йили Россия империяси ишғоли остидаги Рус туркистони деб аталадиган ўлкаларни кезиб суратлар олди. 1899 йили бу сувратлар ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...