Асосий мавзулар
21 октябр 2016

Журналистлар сайловни қандай ёритишга ўргатилмоқда

«Халқ сўзи» газетаси (19.10) Ўзбекистонда 4 декабрда бўлиб ўтадиган президент сайлови кампаниясида иштирок этаётган журналистлар учун амалий семинар ўтказилгани тўғрисида хабар берди.

Мақола Ўзбекистоннинг биринчи президенти Ислом Каримов «раҳнамолигида мамлакатда ҳуқуқий демократик давлат ва эркин фуқаролик жамияти барпо этиш борасида амалга оширилган ислоҳотлар натижасида демократик стандартларга тўла мос бўлган сайлов тизими яратилгани»ни иддао қилиш билан бошланади.

Кейин эса сайловчиларнинг ҳуқуқий маданиятини юксалтириш бўйича қабул қилинган тадбирлар дастурини амалга оширишда иштирок этаётган ташкилотлар номи санаб ўтилади. Улар орасида ҳукуматнинг айтганидан бир қадам ҳам чиқмайдиган Олий Мажлиснинг инсон ҳуқуқлари бўйича вакили, «Камолот» ёшлар ижтимоий ҳаракати, Хотин-қизлар қўмитаси, «Маҳалла» фонди кабилар бор.

Демак, улар сайловчиларнинг ҳуқуқий маданиятини ҳукмрон доира манфаатларига мослаб юксалтиради, оддийроқ айтганда, маъмурий ресурс вазифасини бажаради, деган хулоса учун замин бордек назаримизда.

Шунингдек, мақолада сайлов кампанияси бошлангандан бери Ўзбекистон ОАВда 4,5 мингга яқин материал эълон қилингани, Марказий сайлов комиссияси томонидан маҳаллий ва хорижий ОАВнинг 500 дан ортиқ вакили аккредитациядан ўтказилгани билдирилган.

Биз ҳам баҳоли қудрат ОАВдаги сайлов билан боғлиқ материалларни кузатиб боришга ҳаракат қиляпмиз. Эътиборли жиҳати шуки, улар деярли бир хил мазмунда бўлиб, президентликка номзодлар ҳақида (фақат «энг муносиб номзод»дан ташқари, албатта) бирор янги гап топа олмайсиз.

Сайловолди кампанияси деб кўп ёзилаётган бўлса-да, бечора партиялар ўз номзодларини (яна ўша битта «энг муносиб номзод»дан бошқалари ҳақида гап бормоқда) очиқ-ойдин тарғибот-ташвиқот қилишга кимдандир ҳайиқаётгандек таассурот уйғонмоқда.

Бу ёқда сайловни ёритишга ўргатилаётган журналистлар эса «демократик сайлов тизимимиз»ни мақташдан нарига ўта олмаяпти. Балки масъуллар уларни фақат шу нарсага ўргатаётгандир фақат. Яна ким билади дейсиз…

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
24 апрел 2017
Бу йил Ўзбекистонда “Камолот” ёшлар ижтимоий ҳаракати ташкил топганига 17 йил тўлади. Яъни, эски Комсомол ўрнига келган, ушбу ўзини ...
23 октябр 2015
Агар сиз журналист бўлсангиз? Фаол активист бўлсангиз? Ёки оддий фуқаро бўлсангизу Ўзбекистонда яшашасангиз? – у ҳолда ўзингизни ҳуқуқ тартибот ...
9 феврал 2017
«Навоий айпедда йўқ бўлса кутубхонада бор. Навоийни ҳам ўқи, болам» 15-аср жаҳон маънавиятининг буюк сиймоси Низомиддин Мир Алишер Навоий ...
7 январ 2016
Боз устига электр токи ва газ таъминотидаги узилишлар боис шифохоналардаги аҳвол оғирлашиб бораётгани тилга олинмоқда. Рассом Элсевар ўзбек касалхоналаридаги ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...