Асосий мавзулар
24 октябр 2016

Елкадош битта, қолганлар фақат «номзодликка муносиб номзод»

Ўзбекистондаги сиёсий партиялар 4 декабрь куни бўлиб ўтадиган президент сайловига ўз номзодларини кўрсатиб бўлди.

Энг сўнггида муваққат президент ва амалдаги бош вазир Шавкат Мирзиеёв шундай «бахт»га мушарраф кўрилди.

Мана шу ўринда президентликка кўрсатилаётган номзодлар ҳақида эълон қилинаётган материаллардаги битта жиҳат эътиборимизни тортди.

Бу материалларда номзод Шавкат Мирзиеёв тўғрисида гапирилаётганда унинг «кенг миқёсли ислоҳотларни амалга ошириш, мустақил давлатчилик асосларини барпо этиш ва мустаҳкамлашда, бозор тамойилларига асосланган мутлақо янги иқтисодий тизимни шакллантиришда» марҳум Ислом Каримовга «узоқ йиллар елкадош бўлиб ишлагани, ўзининг бутун фаолиятини Ватанимиз равнақига бағишлаб келаётган инсон экани, юртдошларимиз орасида ҳақли равишда катта ҳурмат ва обрў-эътибор қозонгани» тилдан тушмаяпти (иқтибослар ЎзА материалидан).

Бошқа партиялардан кўрсатилган номзодлар ҳам Ислом Каримов даврида катта мансабларда кўп йиллар ишлаган бўлса-да, бечораларга «елкадошлик» мақомини олиш насиб этмаяпти.

Масалан, «Адолат» газетаси (18.10) шу номдаги партия етакчиси Наримон Умаровнинг номзоди президентликка кўрсатилган қурултой ҳақида деярли тўрт саҳифалик материал эълон қилди. Энг эътиборлиси, бу материалнинг бирор ерида «биринчи президентимиз»нинг номи келтирилмаган.

Н.Умаров тўғрисида фикр билдирган партиядошлари ҳам марҳум президентни эслатишни эп кўрмай, номзоднинг «тўғри танлангани»ни айтиш билан чекланган.

Бошқа номзодлар ҳақида ҳам (Мирзиёевдан ташқари албатта) шундай дейиш мумкин. Гўёки улар ўзларини Ислом Каримов номи билан боғлашни истамаётгандек таассурот уйғотмоқда.

Балки номзодларнинг иккитаси аввалги президент сайловида И.Каримовга «рақиб» бўлгани учун улар «елкадошлик»дан маҳрум қилинган бўлишини тахмин қилиш мумкин. Аммо янги номзод – «Миллий тикланиш» партияси етакчисига ўзи ҳам шу мақомда эканини иддао қилишга нима халақит беряпти экан?

Нега учта партия номзодлари бир вақтлар отасиданда зиёда мадҳ этиб келган марҳум раҳнамосига хиёнат қиляпти?

Ёки ўзини И.Каримов бошлаб берган йўлни давом эттирувчи деб эълон қилган Ш.Мирзиёевдан бошқа номзодлар марҳумнинг меросидан, унинг обрўсидан фойдаланиш имконидан маҳрум этилдимикин!?

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
6 июн 2016
Ўқувчиларимизга маълуму машҳур Қуддус Аъзамовнинг навбатдаги бир кўрсатуви «Тинчлик учун курашмоқ керак» мавзусига бағишланди. Ана ток шоу, мана ток ...
16 март 2018
Бобомурод Абдуллаев иши бўйича 15 март куни ўтган суд мажлисида Республика суд тиббий экспертизаси хулосасига кўра, журналистга нисбатан қийноқлар ...
19 январ 2016
Етти йилдан буён қамоқда қолаётган инсон ҳуқуқлари ҳимоячиси Ғайбулло Жалилов оғир аҳволда Сангородга ўтказилган. Бу ҳақда Eltuzга маҳкумнинг ҳамкасби ...
19 январ 2017
Элтуз нашри журналист Шамсиддин Тўлагановнинг Миллий ҳавфсизлик хизмати раиси Рустам Иноятов истеъфоси ҳақидаги мақолани чоп этиши ортидан Республика телеканали ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...