Асосий мавзулар
28 ноябр 2016

Виртуал қабулхонани мақташ авжида

Интернетда бош вазирнинг виртуал қабулхонасига оид латифанамо гап-сўзлар кўпайиб бораётган бир пайтда маҳаллий матбуот уни кўкларга кўтаришда давом этяпти.

Хусусан, «XXI аср» газетасида (24.11) шу мавзуда «Адолат инсон қадрини улуғлайди дейишмоқда ўз муаммоларига ечим топаётган фуқаролар» сарлавҳали мақола эълон қилинди. Ундан ЎзЛиДеПда очилган бош вазирнинг виртуал қабулхонасига мурожаат этганларнинг миннатдорлик сўзлари ўрин олган.

Муаммосига ечим топганлардан бири сирдарёлик 90 ёшли Камол бобо. Бобо ўзига шу пайтгача армон бўлиб келаётган тикув цехи фаолиятини йўлга қўйиш учун виртуал қабулхонага мурожаат қилган.

«Бир пайтлар кичик цех қуриш учун ҳам Москвадан рухсат кутар эдик», деб совет давридан ёзғирган Камол бобо иши битганидан хурсанд бўлиб, «Эл дардини тушунадиган, оғирини енгил қиладиган раҳбарларнинг боши омон бўлсин», деб дуо қилишни ҳам унутмаган.

Аммо мақолада 25 йиллик мустақиллик даврида, ҳозиргидан анча ёш бўлган пайтларида бобога тикув цехи очишга нима тўсқинлик қилгани масаласи очиб берилмаган. Аслида бу Ўзбекистонда битта цех очиш учун ҳам бош вазирнинг ёрдами керак бўлар экан-да, деган ҳақли шубҳага сабаб бўлади, шундай эмасми?

Агар бобой кичиккина иш бошлаш учун ҳам бош вазирнинг ёрдамига муҳтож бўлган экан, унда «Ўзбекистонда бизнес учун, тадбиркорлик учун барча имкониятлар мавжуд», деб оғиз кўпиртираётганларнинг гаплари ёлғон экан-да!?

Моҳиятан, мақолада келтирилган рақамлар фуқаролар ЎзЛиДеПда очилган бош вазирнинг виртуал қабулхонасига унчалик ҳам ишонч билан қарамаётганини кўрсатади. Мана, қуйидаги рақамларни солиштириб, ўзингиз хулоса чиқаринг.

Ҳозир бош вазирнинг вируал қабулхонасига қилинган мурожаатлар сони 200 мингдан ошиб кетган. Аммо ЎзЛиДеПдаги виртуал қабулхонага қилинган мурожаатлар сони жуда кам. Масалан, шу пайтгача ЎзЛиДеПнинг бу қабулхонасига Сирдарё вилоятидан 350 дан зиёд, Хоразм вилоятидан 300 га яқин, Бухоро вилоятидан қарийб 270 та мурожаат бўлган.

200 минг қаерда-ю, 300 та қаерда?!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
17 сентябр 2015
Инсон ҳуқуқлари бўйича Ўзбек-герман форуми «Ўзбек фермери учун ипак бўйинтуруқ» номли ҳисоботини эълон қилди, бунда Ўзбекистон пиллачилигида мажбурий меҳнатдан ...
3 октябр 2017
Бугун 3 октябр, ўзбек мухолифати лидери Муҳаммад Солиҳ Истамбулда ўтган матбуот анжуманида Усмон Ҳақназаров айнан Тошкентлик журналист Бобомурод Абдулла ...
10 июн 2016
Бугун, 10 июн – тошкентликлар учун оғир йўқотиш, энг экологик жамоат транспорти бўлган трамвай сўнгги манзилга кузатилганини яна бир ...
29 июл 2016
Бир ҳафтадан буён Яккабоғ туманининг Самоқ, Бешкапа, Мунжир, Новқишлоқ, Ширинбулоқ, Сероб қишлоқларида яшайдиган аҳолининг лалми ерда етиштирган буғдойи маҳаллий ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...