Асосий мавзулар
8 январ 2017

Мирзиёев икки куёвини катта ишларга жойлаштирди

Шавкат Мирзиёев икки куёвини ҳаётларидаги энг йирик янги йил совғаси билан сийлади.

Катта куёв Ойбек Турсунов президент маъмурияти раҳбари Зелимхон Ҳайдаровнинг ўринбосари этиб, кичиги Отабек Шаханов эса прездент хавфсизлик хизмати бошлиғининг биринчи ўринбосари этиб тайинланди.

Бу ҳақда Элтузга Шавкат Мирзиёев оиласига яқин икки манба маълум қилди.

Каримов ўлимидан бахти чопган куёв

Мирзиёевнинг тўнғич қизи Саиданинг эри Ойбек Турсунов ҳақида турли зиддиятли фикрлар юради.

Мирзиёев бош вазир экан давлат заҳираларини бошқариш қўмитасида мулозим бўлган Ойбек Турсунов айни идорадаги камомади ҳамда валюта қора бозоридаги фаолияти туфайли катта муаммога дуч келган.

Жазодан омон қолиш умидида Ойбек Москванинг энг ҳашаматли “Рублёвка” мавзесида яшашга мажбур бўлган ва фақат Ислом Каримов ўлимидан кейингина Ўзбекистонга қайтган.

Унинг отаси Ўзбекистон Ички Ишлар вазирлиги Терроризмга қарши кураш бошқармаси собиқ бошлиғи, истеъфодаги полковник Ботир Турсуновдир.

Ойбекнинг божаси Отабек Шаханов ҳақида маълумотлар ниҳоятда оз.

2010 йили IzRus портали Отабекнинг хотини Шаҳноза Мирзиёева Исроилнинг «Ихилов» касалхонасида қиз фарзанд кўргани ҳақида ёзганди.

Божалар даври

Шавкат Мирзиёев марҳум президент Ислом Каримов изидан боришини баралла эълон қилган эса-да, амалда мутлақо бошқача сиёсат юритаётгани охирги пайтларда тобора яққол кўзга ташланмоқда.

Шу жумладан унинг оила аъзоларига бўлган муносабатида ҳам мутлақо ўзгача ёндашувни кўриш мумкин.

Марҳум президент ўз куёвларини ҳокимиятдан қанча йироқ тутган бўлса, жорий президент ўз куёвларини ҳокимиятга шунча яқинлаштирмоқда.

Шамсиддин Тўлаганов

Eltuz.com

Тағин ўқинг
29 июн 2018
«Нонкесар» нонни бўлакларга ажратиш билан банд, ёнида сут челаги ва яна алламбало нарсалар… «Йўқот ашқол-дашқолингни! Тезлат, жаллаб! Нега иммиллайсан, ...
21 апрел 2016
«Адолат» газетаси пичоқдан жароҳат олган фуқарони операция қилган шифокор беморнинг яқинларидан пул олгани учун жиноий жавобгарликка тортилгани ҳақида ёзди. ...
29 ноябр 2016
Ўзбекистоннинг чегара ҳудудларида аҳолининг кўзи қўшни мамлакатлар худудига ўтган магистрал газ қувурларига тушади. Ўзбекистон газининг аксарияти қўшни давлатлардан ташқари, ...
3 май 2018
Олий Мажлис Қонунчилик палатасида Ўзбекистон парламенти тарихидаги илк ҳукумат соати ҳукумат аъзоларисиз ўтказилди. “Ўзбекистон Республикаси Олий Мажлиси Қонунчилик палатасининг ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...