Асосий мавзулар
13 январ 2017

Инсон ҳуқуқлари вазиятини яхшилаш – устивор вазифа

Ҳокимият алмашинуви масалаларини ҳал этиш ва ички сиёсатни белгилашда Марказий Осиё давлатлари раҳбарлари фуқароларнинг ҳуқуқлари ва эркинликлари кафолатини таъминлашга ўта жиддий эътибор қаратиши керак, дея баёнот берди «Ҳьюман райтс уотч» 12 январда ўзининг 2017 йилги жаҳон ҳисоботи эълон қилиниши муносабати билан.

«Марказий Осиёда инсон ҳуқуқларининг кўпгина жабҳалари инқироз ҳолатидадир, – дейди «Ҳьюман райтс уотч» ташкилотининг Европа ва Марказий Осиё бўйича директори Ҳью Уильямсон. – Минтақа мамлакатлари раҳбарлари элиталар ўртасидаги курашлар билан овора бўлиш ёки ўз ҳокимиятини мустаҳкамлаш ўрнига қатағонларни бас қилишга интилиб, ҳибсхоналарда қийноқларга барҳам бериш, сўз эркинлигини таъминлаш ва ҳокимиятни танқид қилгани учун қамоққа
ташланганларни озод этиш билан шуғулланса, мақсадга мувофиқ бўларди.

«Ҳьюман райтс уотч»нинг 687 саҳифалик 27-жаҳон ҳисоботида 90 дан ортиқ мамлакатдаги инсон ҳуқуқлари билан боғлиқ вазият таҳлил этилган.

Унда айтилишича, Ўзбекистонда Ислом Каримов даврида бош вазир лавозимини эгаллаб турган Шавкат Мирзиёевнинг ҳокимият тепасига келиши ҳозирча мамлакатдаги инсон ҳуқуқлари билан боғлиқ аянчли вазият амалда бир қадар яхшиланишига умид уйғотаётгани йўқ. Ҳокимият ҳали-ҳамон йиғилишлар, фикр билдириш ва дин эркинлигини ўта чеклаган ҳолда фуқароларни оммавий назорат қилмоқда. Сиёсий айблар билан қамалган минглаб одамлар панжара ортида қолмоқда, қийноқлар кенг тарқалган, ҳуқуқ ҳимоячилари, мухолифатчилар ва журналистлар мунтазам таъқиб-тазйиқларга дучор қилинмоқда. 2016 йилги пахта йиғим-терими мавсумида миллиондан ортиқ киши далага жўнатилди ва оғир шароитларда меҳнат қилди.

Ҳисобот билан рус тилида қуйидаги иловада танишиш мумкин: Всемирный доклад 2016: Узбекистан

Eltuz.com

Тағин ўқинг
14 сентябр 2016
Шавкат Миромонович Мирзиёев, вақтинчалик президент вазифасини бажарувчи этиб тайинланиши биланоқ, ўзининг “ойболтаси”ни ишга солди: 15 сентябрдан бошлаб Ўзбекистондаги аксар ...
23 октябр 2015
Улуғбек Ашур, Eltuz.com Шу йилнинг 4 сентябр куни Жиззах вилоятининг Пахтакор туманида яшовчи 33 ёшли Арамаис Авакяннинг хонадонига нохуш ...
20 феврал 2017
Ўзбекистон чорак аср марҳум Ислом Каримовнинг беш тамойили асосида яшаб келди. Бу беш тамойил аслида бир тийинга қимматлиги, қоғоздаги ...
13 апрел 2016
eltuz.com сайтига, ИШИДга алоқадорликда айбланиб, 7 йил озодликдан махрум қилинган Жиззахлик фермер, армани миллатли Арамаис Авакяннинг адвокати Олим Қобилов ...
Блоглар
22 июн 2018
Aввaллaри Туркия бизнинг Мaркaзий Oсиё дaвлaтлaри вa турк oлaми учун сиёсий, ижтимoий вa иқтисoдий мoдел ...
21 июн 2018
Беш йил халқ таълими вазири бўлган Улуғбек Иноятов 20 июнь куни ишдан олинди. Ўрнига Инновацион ...
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...