Асосий мавзулар
19 январ 2017

Партия эндигина халқ билан доимий мулоқотни йўлга қўймоқчи

Янги сайланган президентнинг ғайрат-шижоати, яъни кетма-кет йиғилишлар ўтказаётгани, фармонлар қабул қилаётгани газеталарни, шулар қаторида партия нашрларини ҳам анча шошириб қўйганга ўхшайди.

Чунки уларни кузатар экансиз, бундай амалларга муносабат билдириш анъанасини зўрға эплаётганига гувоҳ бўласиз. Гарчи бу муносабатлар моҳиятан марҳум президент даврида айтиладиган гапларнинг такрори бўлса-да, эътиборни тортадиган баъзи жиҳатлари ҳам йўқ эмас.

Президент китобхонликка оид ҳужжатга имзо чекканди, «Миллий тикланиш» газетаси (18.01) бу мавзуга оид бир эмас, иккита катта мақола эълон қилди.

Шунингдек, президентнинг Ватан ҳимоячилари кунига бағишланган табриги, «Коррупцияга қарши курашиш тўғрисида»ги қонун, йил якунларига бағишланган маърузаси ва давлат бошлиғига алоқадор яна бошқа қатор мавзуларга бағишланган мақолалар билан тўлди газета.

Эсингизда бўлса, аввалги президентнинг ҳар бир фармони, қароридан сўнг ислоҳотларнинг «янги босқичи» бошланаверарди. Ислоҳотлар худди карамдек қават-қават бўлиб кетаётгандек таассурот уйғотарди.

«Етти қават тўни бор» карам ҳақида айтилган топишмоқнинг жавоби нима, деган саволга Ўзбекистондаги ислоҳотлар, деб жавоб берсангиз ҳам асло адашмаган бўласиз.
Куни-кеча президентнинг йил якунларига бағишланган чиқишига муносабат билдирган «Миллий тикланиш» партиясининг парламентдаги депутати бу сафар ҳам «ислоҳотларнинг
янги босқичи» бошланганини эълон қилди.

Президент маърузасида эришилган «ютуқ ва муваффақиятлар»дан мақтаниш ўрнига танқид асосий ўринга чиқарилганди. Партиядан сайланган депутатнинг мақоласи эса президентнинг бу танқидларини таҳлил қилиш, ечимларни кўрсатиш ўрнига уни саботаж қилишга ўхшаб кетади.

Зеро, унда президент танқидлари ҳақида бирорта сўз йўқ. Фақат маърузанинг мақтов қисми яна бир такрорланган, холос.

Газетада «Миллий тикланиш» партиясининг Қонунчилик палатасидаги фракцияси 2016 йилги фаолияти якунларини сарҳисоб қилгани ҳам айтилади. Сарҳисобда партия фракция ўтган йили амалга оширган ишлар ҳақида оғиз кўпиртирилади.

«2016 йилда ЎзМТДП фракцияси қонунчилик ташаббуси ҳуқуқи асосида 8 та қонун лойиҳаси ишлаб чиқилди ва қабул қилинди», дея аюҳаннос олинди.

Ҳолбуки, яқиндагина парламент қонунлар қабул қилишда суст экани, партиялар ижроия ҳокимияти тақдим этган қонун лойиҳаларини қабул қилишдан бошқасига ярамаётгани танқид остига олинганди.

Шунча гаплардан сўнг партия ўз «ташкилотларида аҳоли билан доимий мулоқот йўлга қўйилиши»ни эълон қилганига нима дейсиз?

Нима, партия шу пайтга халқ билан доимий мулоқот қилмаганми? Халқнинг дардини эшитмаганми? Нега энди кечагина рақиб бўлган бошқа партиядан сайланган президент айтганидан сўнг «Миллий тикланиш»нинг халқ билан мулоқотга иштиёқи ошди?

Газетада бу саволларга жавоб йўқ, албатта. Агар кузатувчилар бу партиялар қўғирчоқ эканини айтмаган-да, президент сайловида «Миллий тикланиш»нинг номзоди арзимаган овоз олганига сабаб партиянинг халқ билан мулоқот қилмаганида экан-да, деган алдамчи хулосага келиш ҳам ҳеч гап эмас.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
10 май 2023
Қизиғи шундаки қизил армия вориси бўлган Россияда уруш қатнашчиларга охирги ëдгорлик 1967 йили ўрнатилган. Яқин орада бирор тийин сарфланмади ...
4 ноябр 2021
Ўзбекистон Халқ таълими вазирлиги ўқитувчиларни келгуси 2022 йил учун газета ва журналларга обуна қилиш кампаниясини бошлади. «Элтуз» суҳбатдошлари бу ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим Ғафуровларнинг «Шеърингизни тушунтириб беринг» ...
14 май 2018
Мирзиёевнинг 15-17 май кунлари АҚШга сафари олдидан «Америка овози» мухбири Навбаҳор Имомова расман Ўзбекистонда журналистик фаолият юритишга аккредитация олди. ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...