Асосий мавзулар
7 феврал 2017

Пенсия жамғармаси ёлғони фош бўлди

«Адолат кўзгуси» газетаси анча вақтлардан буён пенсияси ёки нафақа пуллари ўзларининг розилигисиз пластик карточкага ўтказиб берилаётгани, бу эса турли ноқулайликлар туғдираётганидан шикоят қилган фуқароларнинг мурожаатларига мутасаддиларининг жавобларини эълон қилиб келади.

Аксарият ҳолларда бу шикоятлар турли баҳоналар билан ҳал этилмасдан ёки тўлиқ ҳал этилмасдан қолиб кетаётганига гувоҳ бўлардик.

Газетанинг навбатдаги сонида ҳам (2.02) Сурхондарёнинг Ангор туманилик пенсионернинг бу борадаги шикоятига жавоб эълон қилинди.

«Пластик карточканинг афзалликлари тушунтирилди» сарлавҳали мақолада гарчи шикоятчи пенсия пули ўзининг розилигисиз банк картасига ўтказилаётганини айтса-да, Пенсия жамғармасининг Сурхондарё вилояти бошқармаси бошлиғи бунинг тескарисини билдирган.

Яъни пенсия шикоятчининг ўз аризасига кўра ва банк билан имзоланган шартномага асосан пластикка ўтказиб берилаётганини маълум қилган.

Ўзбекистонда пенсия, нафақа ва иш ҳақлари мажбуран пластик карточкага ўтказиб келинаётгани аслида ҳеч кимга сир эмас. Лекин мутасаддилар кўзини лўқ қилиб «ўз розилиги билан ўтган», деяверади.

Пенсия жамғармасидагиларнинг яна «пластик карточканинг афзалликларини тушунтиргани»га нима дейсиз.

Буни «тушунмаган» президент эса куни-кеча пенсия ва нафақаларни фақат нақд пулда бериш тўғрисида қарор қабул қилиб ўтирибди.

Энди Пенсия жамғармаси бошлиқлари ўз ёлғонидан тонадими ёки пластикнинг афзалликларини «кўра олмаган» президентдан норози бўлиб, дардини кимга айтишни билмай ич-этини еб юраверадими?!

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
11 апрел 2017
Шерали Жўраев халқ севган хонанда 70 ёшга тўлди. У 1999 йилдан буён ўзбек ҳукумати пешволари назарида Муҳаммад Солиҳнинг дўсти ...
5 май 2016
Туркияда ўзбекистонлик эр-хотин туркиялик таниқли яҳудий тадбиркор Жак Карако ва унинг рафиқаси Жоржия Каракони ўлдирганликда айбланиб, 2014 йили ҳибсга ...
29 сентябр 2016
Ёш келин куёвларга ўз тилакларини билдираркан, машҳур рус примадоннаси, «Пригласите Даму танцевать!» қўшиғини куйлайди. Қўшиқ асносидаги «таклиф»ни чинга йўйган, ...
1 июн 2016
25 май куни Тошкентда 15 яшар бола бошқарган Nexiaнинг милиция машинасига урилиши оқибатида бир ички ишлар ходимининг ҳалок бўлди. ...
Блоглар
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...