Асосий мавзулар
13 феврал 2017

Уйма-уй юриб берилаётган ваъдалар

«Адолат» газетасининг ёзишича, шу номдаги социал демократик партия депутатлари уйма-уй юриб, «жойларда муаммоларни аниқлаб, аксариятини ҳал этяпти».

Бу партия депутатлари айрим муаммоларни қандай ҳал этаётганини ўқиб, кулишни ҳам, куйишни ҳам билмайсиз. Масалан, партиянинг Қонунчилик палатасидаги депутати Бухоронинг Шофиркон туманига бориб, бир фуқаронинг муаммосини қандай ечиб берганига эътибор беринг.

«Наврўз қишлоғида истиқомат қилувчи Ирода Усмонова умр йўлдоши оғир касалликдан вафот этиб, фарзандларини ўзи вояга етказгани, эндиликда фарзандларининг иш билан банд эмаслиги, 2014 йилдан буён газ таъминоти корхонаси томонидан суюлтирилган газ билан таъминланмаётганини билдирди. Депутат томонидан бу муаммолар ҳал этилиши ҳамда газ таъминоти билан боғлиқ масалаларга алоҳида эътибор берилиши таъкидланди», деб ёзди газета.

Наманганнинг Чуст туманидаги 7-давлат ихтисослаштирилган мактаб интернати ўқитувчиси таълим масканида проектор ва электрон интерфаол доска йўқлигини айтса, депутат бу муаммони вилоят халқ таълими бошқармаси эътиборига ҳавола қилибди.

Самарқанднинг Иштихон туманида бир неча фуқаронинг уй-жой қуриш учун участка ажратиш тўғрисидаги шикояти эса маҳаллий ҳокимиятга йўлланиб, тезда ҳал этиш учун ижроси назоратга олинибди.

Кўриниб турибдики, бечора депутат ва сенаторлар президент айтгани учунгина уйма-уй юришга мажбур бўлмоқда. Бунгача иссиқ жойда қорнини қашлаб ўтирган кунларида одатга айланиб қолган «муаммоларни ҳал этиш тартиби»ни унута олмаётган депутатлар ҳамон эскича иш услубидан қутула олмаётир.

«Эътибор берилиши таъкидланди», «эътиборига ҳавола этилди», «ижроси назоратга олинди» каби умумий гаплар ана шундан далолат бериб турибди.

Мамлакатни «қўлда бошқариш» усули ҳеч қачон самара бермаган. Марҳум президент Каримов томонидан қўлланган авторитар бошқарувнинг айни услубини Шавкат Мирзиёев давом эттирмоқда. Бироқ, битта одам, агар у авлиё бўлиб, чексиз ҳокимиятга эга чиққан тақдирда ҳам, халқ учун қайғурмайдиган ва ойлиги ҳаминқадар бўлган амалдорлар армиясини назорат қила олмайди.

Мамлакатни самарали бошқариш учун, ҳақиқий мустақил парламент, мустақил суд ва эркин матбуот каби қўшимча институтларни ривожлантириш зарур. Бу формулани – демократия дея аташган ва ҳозирча шундан афзали ўйлаб топилмаган.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
19 феврал 2018
Ўзбекистондаги жўшқин сиёсий ўзгаришлар шу пайтгача мамлакатда энг қудратли куч бўлган Миллий хавфсизлик хизмати ўрнига янги супертузилма – прокуратурани ...
15 июн 2016
15 июндан 25 июнгача, Қирғизистон, Тожикистон, Қозоғистон ва Туркманистондан Ўзбекистонга одамлар, юклар ва транспорт воситаларининг ўтиши тўхтатилади. Ўш вилоятининг ...
9 июн 2017
Чала битказиб топширилаётган, президент буйруғи билан қурилаётган «Намунали уйлар» ҳақида кўп айтилди. Чунончи, бу биноларга ишлатиладиган эшик ойналарнинг ўғирлаб йўқ ...
4 январ 2017
Ўзбек тили давлат мақоми олганидан 27 йил ўтиб ҳам, идора ва ширкат номлари рус тилида қолаётгани ажабланарли. Бундан ҳам ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...