Асосий мавзулар
20 феврал 2017

Каримовнинг беш тамойили ўрнига Мирзиёевнинг беш стратегияси

Ўзбекистон чорак аср марҳум Ислом Каримовнинг беш тамойили асосида яшаб келди. Бу беш тамойил аслида бир тийинга қимматлиги, қоғоздаги гаплар билан амалий ишлар ўртасида ер билан осмончалик фарқ борлигини ҳаётнинг ўзи кўрсатиб қўйди.

Мазкур тамойиллар асосидаги «ривожланиш» Ўзбекистон халқини қашшоқликка, дарбадарликка маҳкум этди. Шунга қарамай, чорак аср давомида улар ҳақида баландпарвоз гаплар айтилишдан тўхтамади.

Халқнинг аҳволи оғирлашган сари беш тамойил тўғрисидаги мақтовлар тобора баландроқ янграйверди.

И.Каримовнинг вафоти унинг беш тамойилини ҳам ўзи билан олиб кетган кўринади. Бу тамойилларни тинимсиз мадҳ этиб келганлар бугун янгича сайрамоқда. Энди уларнинг оғзида янги ҳукмдорнинг ҳаракатлар стратегияси, унда белгиланган беш вазифа.

Хусусан, кечагина И.Каримов яратган «тараққиёт йўли»дан чекинмасликни айтиб келаётган Ўзбекистон либерал-демократик партияси энди янги президентнинг ҳаракатлар стратегияси «ўз фаолиятининг дастуриламалига айланиши»ни эълон қилди («XXI аср» газетаси, 16.02).

Газетанинг ёзишича, партия сиёсий кенгашининг навбатдаги мажлисида президентнинг ҳаракатлар стратегисига оид фармонидан келиб чиқадиган вазифалар муҳокама қилинган.

Партия раҳбари С.Турдиев мазкур ҳужжатни «ниҳоятда халқчил ва кенг қамровли», деб атаган ва бу баҳосига стратегиянинг халқ муҳокамасига қўйилганини асос қилиб олган.

«Интернет орқали жами 1310 та таклиф-тавсия ва муносабатлар билдирилган бўлса, шундан 215 таси қабул қилинди, 619 тасидан эса маълумот сифатида фойдаланилди. Шунинг ўзиёқ фармонда инсон манфаатлари тўла акс этганидан далолатдир», деган партия етакчиси.

Ана холос. Бутун бир мамлакат, халқ тақдирига дахлдор катта ҳужжат муҳокамаси даврида олинган таклифлар сони 1,5 мингга етмаса, шунинг ҳам бор-йўғи 215 таси қабул қилинган бўлса, бунинг нимасини халқчил дейиш мумкин? Бунинг нимасини инсон манфаатларига тўла мос, деб олқишлаш мумкин?

Қолаверса, таклифлар сонидан келиб чиқилса, халқимиз, соҳа билимдонлари нега бу муҳим ҳужжат муҳокамасида етарлича фаоллик кўрсатмади, деган ҳақли савол ҳам туғилади.

Буни эса мамлакатда чорак аср давом этган яккаҳокимлик сиёсати халқнинг зеҳниятини ўтмаслаштириб, унинг аксарият қисмини фикрсизлик ботқоғига ботириб қўйгани асорати деб изоҳласа, тўғрироқ бўлса керак.

Аммо, табиийки, газетада бундай муқобил мулоҳазаларни учратмайсиз. Бунинг ўрнига депутатлар бир вақтлар худди Каримовнинг беш тамойили ҳақида айтган гапларини янгича кўринишда баён этиш билан шуғулланяпти.

Улар бугун ҳаракатлар стратегиясининг «мазмун-моҳиятини аҳолига етказиш», ундаги «долзарб масалаларни ҳал этишда алоҳида жонбозлик кўрсатиш» билан банд.
Бу каби баландпарвоз сўзларни ўқир экансиз, янги президентнинг ҳаракатлар стратегияси бошига ҳам Каримовнинг беш тамойили куни тушмасайди, деган мулоҳозага боради киши.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
13 январ 2016
Ўзбекистонда қалбаки дорилар бозори, айниқса, кейинги йилларда ривожланди, дейди Eltuz.Com билан суҳбатлашган ўзбекистонлик шифокор Сабоҳат Аҳмедова. Вазият шундай тус ...
19 май 2017
ЎзА томонидан давлат арбоби Шароф Рашидовнинг 100 йиллик юбилейига бағишлаб тайёрланган мақолани мамлакатнинг бир қанча газеталари босди. Ш.Рашидов билан ...
17 март 2016
Ўзбекистон Миллий ахборот агентлиги – ЎзАнинг ички ишлар вазирининг биринчи ўринбосари Турсунпўлат Тошпўлатовга асосланиб ёзишича, Наврўз байрами арафасида хавфсизликни ...
20 сентябр 2017
Сирдарё вилоятидаги ягона Олий ўқув юрти Гулистон Давлат Университети талаба ва ўқитувчилари 15 сентябр куни пахта теримига жўнаб кетишди. ...
Блоглар
15 ноябр 2018
Ўзбекистонда баъзан «ютуб», баъзан «фейсбук» каналлари узилишидан шикоятлар ортмоқда. 15 ноябрь куни «Элтуз» нашри Downdetector ...
14 ноябр 2018
Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги ...
13 ноябр 2018
“Бу йил фермерларга ҳар йилгидан кўра оғир бўлди. Уларга нисбатан зуғум ва зўравонликлар кўлами ошса ...