Асосий мавзулар
10 март 2017

Каримовнинг беш тамойили эскилик сарқитига айланди

Илгари Ислом Каримовнинг беш тамойилидан бошқа нарсани кўрмайдиганлар энди янги президентнинг янги стратегиясини дастуриламал қилиб олди.

Ҳар икки гапнинг бирида стратегия, кўчага чиқиб, автобусга минсангиз стратегия, телевизорнинг эса турган турмуши стратегия. Қўполроқ қилиб айтганда, ҳожатхонага кирсангиз ҳам стратегиялар сизни таъқиб қилади.

Чунки хоҳласангиз-хоҳламасангиз у ерда мана шу ҳақда мақолалар чоп этилган газеталарга ишингиз тушади…

Беш тамойил эскилик сарқитига айланди. Модада стратегия. Ўзбекистонда партия борки, тутган амали ҳам ўзгарди. Ҳаммаси президентнинг стратегиясини дастуриламал қилиб олган.

Хотин-қизлар байрами муносабати билан босма нашрларда эълон қилинган мақолалар аёлларнинг эр билан ётиб-туриши ҳам стратегияга асосланаётганидан дарак бераётгандай таассурот қолдиради гўё.

Чунки газеталаримиз аёллар кунига бағишланган ҳар бир лавҳасида янги давлат раҳбарининг стратегияларида белгиланган вазифаларни гапирадиган бўлиб қолди.

Масалан, «Оила ва жамият» газетаси (08.03) «Наврўз» давлат қабуллар уйида Халқаро хотин-қизлар куни муносабати билан президент иштирокида бўлиб ўтган расмий маросимда қатнашган аёлларнинг фикрларини эълон қилди.

Унда ҳам стратегия. Масалан, Ўзбекистон Республикасида хизмат кўрсатган соғлиқни сақлаш ходими бўлган аёл стратегиядан келиб чиққан ҳолда Қорақалпоғистонда тиббиёт соҳасидаги янгиликлар ҳақида лоф уради.

Унинг айтишича, оддий қишлоқ врачлик пунктида «жаҳон стандартларига мос асбоб-ускуналар, лаборатория аппаратуралари, ЭКГ аппарати, физиотерапия ускуналари» ва ҳоказолар бор.

Жаҳон стандарти бугун қишлоқ жойларимиздаги тиббиёт муассасалари даражасида бўлса, бунақа жаҳон стандартига ҳам туф дегинг келади.

Агар жаҳон стандартида ҚВПда оддий шприцни ҳам пулга сотиб олиш, бинтга пул тўлаш, оддий дорини ўз ҳисобингиздан олиб келиш ҳам кирса, бундай стандартдан воз кечиб, алмисоқдан қолган совет стандартига ўтсак яхши эмасми, деган савол пайдо бўлади ёши қирқдан ошган, дунёқараши кенгроқ фуқарода.

Президент иштирокидаги байрамда қатнашган бухоролик опахон, собиқ мактаб директори эса давлат раҳбарининг сал олдинроқ таълим соҳасини танқид қилганидан таъсирланган шекилли, ҳар доим шу масалага эътибор қаратиб келганини айтибди.

Биз бу аёлни сиёсий кўрсаводликда айбламоқчимиз. Қачондан бери сиз биринчи бўлиб президент кўрган муаммони мен олдинроқ кўрганман деб даъво қиляпсиз? Нега бу ҳақда олдинроқ гапирмагансиз?

Халқ душманимисизки, мактаб-коллежларда давоматлар чатоқ экани масаласида шунча йиллардан бери гапирмай, энди президент айтганидан сўнг тилингиз чиқиб қолди?

Аммо газетанинг нияти эзгу. Бу каби саволларни ўртага ташламаган. Ўзига қасд қилмоқчимики, бундай масалаларда фикр юритса?

Бунинг ўрнига опахоннинг фикрларини ҳам президентга миннатдорлиққ руҳида ёритишга ҳаракат қилган.

«Эъзозлар, ардоқлар учун ташаккур», деган газета «Наврўз» ресторанига таклиф этиб, қорнини тўйғизгани, яхши сўзлар айтгани, текин концертлар қўйиб бергани учун президентдан миннатдорлигини билдирган бу аёллар тилидан.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
19 январ 2016
18 январ куни эрталаб соат 10 да туман хокимлигига чақирилган Ширин Турсиновани ҳокимлик биносида, хоким Ғофур Қаршибоевнинг муовини Фотима ...
18 апрел 2018
Промка ҳожатхонаси орқасидаги катта ўра нажас билан лиқ тўла. Қўлида учи айри узун хода ушлаган Ғулом-нажас олти нафар маҳкумни ...
25 май 2017
24 май куни “Яланғоч ота” қабристонига кўмилган Марказий Банк Бошқаруви раиси 67 яшар Файзулла Муллажонов ўзбек сўмини конвертация қилишга ...
29 август 2016
Ўзбекистон тарихида илк бора Вазирлар маҳкамаси мамлакат раҳбарининг соғлиги ҳақида чиқарган баëнот ортидан Ўзбекнаво лицензияси билан фаолият юритаëтган артистлардан ...
Блоглар
26 апрел 2018
Ўзбекистон мудофаа вазирлиги ансамбли артистлари Тошкент метросида 9-майга кунига атаган акцияларни бошлашди ва бунга қарши ...
26 апрел 2018
Андижон шаҳридаги 18-умумтаълим мактабининг 9-синф ўқувчиси 22 апрель куни ўсмирлар ўртасидаги ўзаро жанжалда пичоқбозлик қурбони ...
24 апрел 2018
Туркманистон президенти Гурбангули Бердимуҳамедовнинг Ўзбекистонга ташрифи муносабати билан 24 апрель куни Хоразм вилоятида минглаб талаба ...