Асосий мавзулар
27 март 2017

Баҳор келди – Мирзиёевга рахмат

Баҳор дунёнинг турли нуқталарида турлича келади. Чунки баҳорни ҳамма ўзгача талқин қилади, ўз билганигача таърифлайди.

Ўзбекистоннинг босма нашрлари ҳам бу йил мамлакатда баҳор ўзгача келганини ўз таърифида ўзгача таърифлади.

Эйфория ҳам ўзгача бўлди. Ўзгачалиги шуки, аввал баҳор марҳум президент номига ёндош келар эди, бу йил янги президент номи билан ёндош келди.

Қайси газетани қараманг, Наврўз байрамини олқишлаш қаторида янги президентга ҳамду санолар ёнма-ён бўлди.

Наврўзбоп мақолалар билан тўлган нашрлар расмий материалларга ҳам ўрин берди. Бусиз бўлмайди, албатта. «Халқ учун куйиб-ёнаётганлар»нинг ҳам ишини кўрсатиш керак-ку…

Хусусан, «XXI аср» газетаси (23.03) ЎзЛиДеПнинг «байрам шодиёналари» қанотида партия гуруҳлари фаоллари иштирокида кенгайтирилган йиғилиш ўтказгани тўғрисида хабар тарқатди.

«Очиқ-ойдин мулоҳаза юритилган», «ишга қатъий интизом ва масъулият билан ёндашиш», «бир куч бўлиб бирлашиш» ҳақида фикр юритилган бу йиғилишда тилга олинган бир рақам кишини ўйлантиради.

Мақолада ёзилишича, ўтган йили Фарғона вилоятида 2 минг 632 та тадбиркорлик субъекти рўйхатдан ўтган бўлса, 2 минг 845 нафар тадбиркор ўз фаолиятини тугатган.

Аввалги шарҳимизда Сурхондарёнинг бир туманида рўйхатга олинган фермерларнинг 40 фоизга яқини умуман ишламаётганини ёзгандек. Энди эса бошқа бир вилоятда ишлайман деган тадбиркордан кўра ўз ишини ёпганлари сони кўпроқ эканига гувоҳ бўлиб турибмиз.

Бу нимадан дарак беради? Мазкур рақамларни кўриб, наҳотки янги президентнинг тадбиркорликни ҳимоя қилиш, уларга қайишиш ҳаракатлари иш бермаётган бўлса, деган хаёлга келмайсизми?
Нега фермерлар ишлашни хоҳламаяпти? Нега тадбиркорлар ўз ишини ташлаб қочяпти? Бу янги президентга ишончсизликми ёки мамлакатда бизнес муҳити яхшиланиш ўрнига ёмонлашаётганидан даракми? Бундай саволларга кимдан жавоб олиш мумкин?

Афсуски, «интизом ва масъулият – муваффақият омили» эканини таъкидлаган газетада бу саволларга жавоб йўқ.

Балки Наврўз эйфорияси ўтганидан сўнг бу газета ва бошқа босма нашрлар биргина вилоятда нега минглаб тадбиркор ўз фаолиятини тугатишга мажбур бўлгани ҳақида таҳлилий мақола эълон қилар…

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
11 сентябр 2018
«2006 йилга қадар «Косон» зонасининг ташқи штаби томи устидаги солдат ва снай­перлар ярим йил тўхтовсиз “террорчилар”ни кутиб яшашди. Улар ...
25 август 2018
14 август куни Хонқа туманининг Қорақош қишлоғидаги Янгиариқ туманига ўтувчи кўприкнинг бир қисми қулаб тушган. Юк машинаси ҳайдовчиси шифохонада. ...
12 январ 2018
Ўзбекистонда ва чет элларда шу пайтгача яширин бизнес билан шуғулланиб келган ўзбекистонликларнинг ўғирлик пуллари президент Мирзиёев томонидан амнистия қилиниши ...
6 феврал 2016
Бугун 6 феврал куни хонанда Тамиланинг фейсбук саҳифасида ва унинг мухлислари томонидан ташкиллаштирилган “Je suis Tamila!” гуруҳида ўз мухлислари ...
Блоглар
25 сентябр 2018
Шундай қилиб… бугун мен Ойбек уй музейига, шоир ва ватанпарвар Рауф Парфининг 75 йиллигига бағишланган ...
25 сентябр 2018
Тошкентда KFC фастфуд ресторанлари тармоғи иш бошлади. Дастлабки ресторан «Буюк ипак йўли» метроси яқинида 12 ...
25 сентябр 2018
Бу йил баҳордаги йиғилишда фермерларга аччиқ қалампир экиш топширилди.  Бунга Ўзбекистон Вазирлар Маҳкамасининг 2018 йил 27 январдаги қарори ижросини ...