Асосий мавзулар
20 апрел 2017

Тошкент ҳокимлари нега алмашди?

18-19 апрел кунлари Тошкент шаҳар ҳокимларининг ярмидан кўпи алмашгани сабабларини таҳлил қилган Kun.uz нашри энг аввало буни аҳолидан тушаётган шикоятлар билан боғлайди.

Сўнгги икки кун ичида Тошкентнинг 11 та туманидан 6 тасида ҳоким алмашгани юзасидан эксперт фикри чоп этилган мақолада, ҳокимларнинг ёппасига алмаштирилиши ортида уларнинг фуқаролар мурожаатига эътиборсизлиги сабаб бўлаётганини тусмол қилинар экан, бу борада нашр ўз эксперти мулоҳазаларига ҳам жой беради.

Исми келтирилмаган эксперт бу ўзгаришлар борасида бир неча тахминни баён қилади.

Унинг фикрича, бунга биринчи сабаб Тошкент шаҳрининг раҳбар кадрлари мамлакат ҳукумати даражасидаги кадрлар билан бойитилаётганидир.

Шунингдек, янги тайинловлар ўзига хос «штрафбат» ҳам бўлиши эҳтимоли йўқ эмас.

«Туманларга тайинланаётган ҳокимлар илгари марказий идораларда раҳбар бўлиб, тараллабедод бўлиб юрган бўлса, мамлакат раҳбарияти уларнинг кўзини очиб қўйиш мақсадида муаммоли туманларга раҳбар қилиб юбораётган бўлиши мумкин», деган эксперт.

Эксперт бу ўзгаришлар шаҳар ҳокими мамлакат раҳбарияти олдида ўз позициясини йўқотиб бораётганлигини кўрсатаётганини ҳам айтган.

«Воқеалар ривожи шуни кўрсатмоқдаки, (Тошкент шаҳри ҳокими) Раҳмонбек Усмонов ҳам ишдан олиниши ёки лавозими туширилиши, унинг ўрнига эса яна бир юқори лавозимли амалдор тайинланиши мумкин», деган хулоса келтирилади мақолада.

Интернет нашр ҳокимият тизимларидаги лавозим ўзгаришлари ҳақида мулоҳазалар билдиргани ортидан маҳаллий матбуот ҳозирча анча чегараланган эркинлик ҳавосидан куч олаётганини тахмин қилиш мумкин.

Лекин, мақолада арифметиканинг оддий қоидаси, миқдор ичидаги рақамлар ўрни алмашгани билан сумма ўзгармаслиги айтилмаяпти.

Яъни эски амалдорларнинг фақат ўрни алмаштирилаяпти холос.

Коррупцияга ботган таълим тизими жиддий ислоҳотга муҳтож ва у мамлакат равнақини ўзгартира оладиган янги кадрларни етказиб бераётгани йўқ.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
5 сентябр 2016
Каримов ўлими ундан касал ва заиф бир жамият ва уни шу аҳволга солган режим яшашда давом этаётганини намойиш қилди. ...
3 июл 2016
Туркия аэропортида 28 июн кечаси уюштирилган бомбали ҳужум пайтида ҳалок бўлган наманганлик Аброржон Устабоев ва тошкентлик Мухиддинов Самад Муродовичлар ...
19 май 2018
Али Ҳамроев фильмлари мавзу доирасининг кенглиги, динамикасидан ташқари инсоний кечинмаларининг чуқур акси билан ҳам замондошлари кино асарларидан ажралиб туради. ...
4 август 2015
Ўзбекистон ҳукумати Халқаро Меҳнат Ташкилотига Ўзбекистонда мажбурий меҳнатнинг тақиқланганлиги ҳақида маълумотни ўз ичига олган 40.000 нусха варақалар, шиорлар тайёрлаш ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...