Асосий мавзулар
21 апрел 2017

Касса аппаратини банк эмас, депутат берадими?

Ўзбек нашрлари барча савдо субъектларида касса аппарати жорий этилиши ҳақидаги президент қарори ижроси ҳақида ёзаркан, тадбиркорлар ва банклар ўртасидаги жиддий муаммоларни ошкор қилмоқда.

Тўлов терминаллари етишмаслиги билан боғлиқ муаммолар одатдагидек қайсидир партия ёки банк фаолиятини кўкларга кўтариш осносида кўзга ташланади.

«Банклар тадбиркорлар хизматида» деган баландпарвоз сарлавҳали материал чоп этган «XXI аср» газетаси (13.04) ЎзЛиДеП депутатларининг жойлардаги муаммоларни ҳал этишга ёрдам кўрсатаётганига бағишлаган мақоласида аслида бундай эмас эканини билдириб қўяди.

ЎзЛиДеП депутатларининг бундай фаолияти билан мақтанишни ният қилган газетанинг ёзишича, Самарқандда бир депутат 5-6 та тадбиркорга «Микрокредитбанк»дан тўлов терминали аппаратларини олишга кўмаклашган.

Газетадан бу маълумотларни ўқир экансиз, ҳақли саволлар пайдо бўлаверади. Нега банклар тадбиркорларни тўлов терминаллари билан таъминлай олмаяпти?
Нега терминал олиш депутат аралашгандагина ҳал бўляпти? Бу ёқда президент ҳаммани кредит олиб, товуқ боқишга чақираётган бир пайтда банклар унинг топшириғини саботаж қиляпти?

Бу каби яна кўплаб саволлар борки, газеталарнинг бирортасида ҳатто уларга яқин келадиган, озгина бўлса-да, масала моҳиятини очишга ёрдам берадиган бирор сатрни учратмайсиз.

Худди шундай маълумотлар «Миллий тикланиш» газетасида (19.04) ҳам каттагина жойни эгаллайди. Унда ҳам шу номдаги партия депутатлари тадбиркорларга кредит олиш-у, ишга жойлаштиришга «катта ёрдам» бераётгани ҳақида қатор-қатор мисоллар келтирилади.

Депутатлар банкларнинг ўз вазифасини бажармаётгани муаммосини кўтариш ўрнига яна ўша ура-урачилик ортидан қувиб юргани ғалати.

Газеталар эса бир саҳифасида банкларни мақташ билан овора бўлса, бошқа саҳифасида ўзлари билмаган ҳолда моҳиятан бу молия муассасалари ўз вазифасини уддалай олмаётганини кўрсатувчи маълумотларни чоп этишмоқда.

Нима ҳам дердик, курк товуқ гўнг сочади, ўз кетини ўзи очади, деб шуни айтсалар керак-да.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
18 октябр 2015
Шохрух Алибоев, 2013 йилнинг 27 июнида ота онасидан ажратилиб болалар уйига топширилган эди. +видео
30 сентябр 2015
Кеча мажбурий пахта терими жумладан болалар эксплуатацияси авж олган Хоразм вилоятига рейдга чиққан ҳуқуқ ҳимоячилари Елена Урлаева ва Малоҳат ...
19 декабр 2016
Бош вазир Абдулла Арипов етакчилигидаги комиссия «Халқ қабулхоналари»ни очиши лозимлиги айтилади президент Мирзиёевнинг фармойишида. Каримов анъаналари ортидан бораётган Мирзиёев ...
2 март 2017
28-февралдан 2-мартгача Истанбулда бўлган Бош вазир ўринбосари Рустам Азимов бошчилигидаги ўзбек делегацияси Туркия ва Ўзбекистон ўртасида сармоялар ётқизилишини ваъда ...
Блоглар
22 май 2018
Президент Мирзиёевнинг Андижонга сафари шаҳарни бегона кўзлардан тўсиш, ошиқча эҳтиёт чоралари ва мулозимларнинг одатий лаганбардорликлари ...
22 май 2018
Президент келиб кетгач, андижонликлар енгил нафас олишди. Бугун менимча раҳбарлар ҳам тўйиб ухлашган бўлишса керак. ...
18 май 2018
Президент Мирзиёевнинг умр йўлдоши Зироатхон Ҳошимованинг Вашингтондаги Оқ уйда тушган фотосуратлари ижтимоий тармоқларда тарқалди. Улардан ...