Асосий мавзулар
21 апрел 2017

Касса аппаратини банк эмас, депутат берадими?

Ўзбек нашрлари барча савдо субъектларида касса аппарати жорий этилиши ҳақидаги президент қарори ижроси ҳақида ёзаркан, тадбиркорлар ва банклар ўртасидаги жиддий муаммоларни ошкор қилмоқда.

Тўлов терминаллари етишмаслиги билан боғлиқ муаммолар одатдагидек қайсидир партия ёки банк фаолиятини кўкларга кўтариш осносида кўзга ташланади.

«Банклар тадбиркорлар хизматида» деган баландпарвоз сарлавҳали материал чоп этган «XXI аср» газетаси (13.04) ЎзЛиДеП депутатларининг жойлардаги муаммоларни ҳал этишга ёрдам кўрсатаётганига бағишлаган мақоласида аслида бундай эмас эканини билдириб қўяди.

ЎзЛиДеП депутатларининг бундай фаолияти билан мақтанишни ният қилган газетанинг ёзишича, Самарқандда бир депутат 5-6 та тадбиркорга «Микрокредитбанк»дан тўлов терминали аппаратларини олишга кўмаклашган.

Газетадан бу маълумотларни ўқир экансиз, ҳақли саволлар пайдо бўлаверади. Нега банклар тадбиркорларни тўлов терминаллари билан таъминлай олмаяпти?
Нега терминал олиш депутат аралашгандагина ҳал бўляпти? Бу ёқда президент ҳаммани кредит олиб, товуқ боқишга чақираётган бир пайтда банклар унинг топшириғини саботаж қиляпти?

Бу каби яна кўплаб саволлар борки, газеталарнинг бирортасида ҳатто уларга яқин келадиган, озгина бўлса-да, масала моҳиятини очишга ёрдам берадиган бирор сатрни учратмайсиз.

Худди шундай маълумотлар «Миллий тикланиш» газетасида (19.04) ҳам каттагина жойни эгаллайди. Унда ҳам шу номдаги партия депутатлари тадбиркорларга кредит олиш-у, ишга жойлаштиришга «катта ёрдам» бераётгани ҳақида қатор-қатор мисоллар келтирилади.

Депутатлар банкларнинг ўз вазифасини бажармаётгани муаммосини кўтариш ўрнига яна ўша ура-урачилик ортидан қувиб юргани ғалати.

Газеталар эса бир саҳифасида банкларни мақташ билан овора бўлса, бошқа саҳифасида ўзлари билмаган ҳолда моҳиятан бу молия муассасалари ўз вазифасини уддалай олмаётганини кўрсатувчи маълумотларни чоп этишмоқда.

Нима ҳам дердик, курк товуқ гўнг сочади, ўз кетини ўзи очади, деб шуни айтсалар керак-да.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
27 июн 2023
Қабристонда яшаётган оила, свет, газ муаммоси ва ойлиги тўлиқ берилмаган ишчилар. Элтуз порталига келган навбатдаги бешта мактубни ўқиймиз улар ...
10 июн 2019
«Ўзатом» агентлиги 9 июнь куни Ўзбекистонда АЭС қурилишига қарши блогерлар шарҳларига жавоб берди. «Ўзатом» жавобидан маълум бўлишича, Ўзбекистонда атом ...
8 феврал 2023
Эътиборингизга Элтуз «600 секунд»нинг 2023 йил, 7 феврал, 31-сонини тақдим этади. Видео: https://youtu.be/_2y4TWkDvgI
30 ноябр 2015
Кўргазмада собиқ СССРнинг 14 мамлакатидан 74 нафар рассомлар иши тақдим қилинмоқда. Ўзбек рассоми Вечеслав Оҳуновнинг «Юлдузлар ҳиёбони» инсталляцияси Kuhlhaus ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...