Асосий мавзулар
26 май 2017

Ўзбек газетаси “Каримов дангасалари”га маломат ёғдирди

«Оила ва жамият» газетаси (24.05) «Касбингизга садоқатлимисиз?» сарлавҳали мақолада марҳум президент Ислом Каримовга садиқлигини билдириб, ҳорижга чиқиб иш излаётган “дангасалар”ни тилга олди.

Каримов Сирдарёга ташрифи чоғида тирикчилик ортидан Россияга кетиб, мардикорлик қилаётган, шу билан бирга, юртга катта маблағ олиб келаётган фуқароларни «дангасалар» деб атаган, унинг бу ибораси мунозараларга сабаб бўлганди.

«Оила ва жамият»да чоп этилган мақола муаллифи иш излаб хорижга кетган ватандошларимизни «мўмай даромад ишқибозлари», дея таърифлайди.

Бундан ташқари, давлат ишида бериладиган маоши рўзғорини тебратишга етмагани сабабли, даромадлироқ соҳаларга ўтганларни «қаноатсизлар» сафига қўшади.

«Кейинги пайтларда моддий етишмовчилик ёки бошқа баҳона сабабларни рўкач қилиб, мутахассислиги ёхуд эгаллаган ҳунари ортидан келаётган ризққа қаноатланмай бозорга чиқиб кетганлар, хорижий давлатлардан «мўмай даромад» қидиришга ишқибозлар ҳеч кимни ҳайратлантирмай қўйди», дейилади мақолада.

Одамлар нега ўқиган соҳаси қолиб, ўзини бозорга ураётгани, нега навқирон ватандошларимиз ўз юртида мўмай даромад топмай, хориждан иш излашга мажбур бўлаётгани сабаблари эса муаллифнинг эътиборидан четда қолган.

У касб инсоннинг тақдири экани ҳақида фалсафа сўқир экан, «маоши озми-кўпми, иши оғирми-енгилми, тақдир қилинган касб-ҳунар орқали ризқ берилиши»ни таъкидлайди.

Муаллифнинг фалсафасига кўра, «касбига хиёнат қилиб, мўмай даромад илинжида ўзини ҳар томонга урганларга на ишда, на шахсий ҳаётда омад кулиб боқмайди».

Мақолада яхши ҳаёт илинжида бошқа ишнинг бошини тутганлар «атрофдагилар»нинг тилидан «бетайин», деб ҳақорат қилинади.
Яна бир ўринда муаллиф, бир танишининг, «пахта мавсумида ҳашарга чиққанида касал бўлиб қолганини баҳона қилиб», ишдан бўшаб кетганига «ачинади».

Шу ўринда муаллиф давлатнинг «муҳим сири»ни, – давлат ташкилотлари ходимлари аслида, касбларидан ташқари «ҳашар» деб аталмиш мажбурий қора меҳнатга жалб этилишини ошкор қилиб қўйганини билмаган шекилли.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
18 март 2017
Қрим ярим ороли Россия армияси назорати остида ўтказилган референдум натижасига кўра Россия таркибига қўшиб олинди, рус расмийлари референдум иштирокчилари ...
19 январ 2016
«Девона фаришта», «Қўрғошин» ва «Жодугар» фильмларида ўйнаб танилган артист Отабек Мусаев «Ўзбеккино» Миллий агентлиги раиси этиб тайинланди. Бу ҳақда ...
24 апрел 2016
«Ҳуррият» газетаси бугун халқнинг коммунал хизмат кўрсатиш соҳасидаги энг оғриқли нуқтасига эътибор қаратиб, иситиш тизими ва иссиқ сув билан ...
10 январ 2017
Ўзбекистондаги кадрлар алмашуви кишини сергаклантиради. 20 йиллик шартли қамоққа ҳукм этилган Козим Тўлаганов ҳокимият тизимига қайтди. Корруцияга алоқадор Абдулла ...
Блоглар
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. ...
18 сентябр 2017
Шавкат Мирзиёев Нью-Йоркдаги БМТ Бош Ассамблеясининг 72-сессияси доирасида 19-25 сентябрда ўтадиган олий сиёсий музокараларида маъруза ...