Асосий мавзулар
29 январ 2018

Мухолифатнинг юртга қайтиши кимнинг ғалабаси бўлади?

Тожик мухолифатининг энг таниқли вакилларидан бири, ҳозир Германияда муҳожиратда яшаётган журналист Додожон Атовуллаев президент Имомали Раҳмон билан учрашди. Бу ҳақда Аkhbor.com сайти Тожикистон ҳукуматига яқин манбаларга таяниб хабар тарқатди.

Шунингдек, бу хабарда мухолифатчи юқори мансабдаги бошқа амалдорлар билан ҳам учрашувлар ўтказгани айтилади.

Хабарга кўра, Додожон Атовуллаев Имомали Раҳмон билан юзма-юз суҳбатлашган. Учрашувнинг асосий мавзуси журналистнинг ўз ватанига қайтиш шартларини муҳокама қилиш бўлган.

Хабарни ўқиб, беихтиёр Ўзбекистон мухолифати билан боғлиқ вазият хаёлга келди ва бу табиий бир ҳолдир.

Яқинда ҳуқуқ фаолларидан бири Суръат Икромов ўзбек мухолифати етакчиси Муҳаммад Солиҳнинг ватанга қайтишига имкон яратиш чақириғи билан президент Шавкат Мирзиёевга мурожаат билан чиқди.

Мазкур чақириқ жуда кўпчилик томонидан қўллаб-қувватланди. Бунинг ортидан яна бир гуруҳ зиёлилар худди шундай мурожаат эълон қилди.

Афсуски, ҳар икки мурожаатга ҳам шу кунгача бирорта расмий муносабат билдирилгани ҳақида маълумот йўқ.

Ҳолбуки, бу мурожаатларнинг дояси президент Шавкат Мирзиёевнинг мамлакатда ҳақиқий демократияни қарор топтириш, очиқ ва ошкоралик асосида қурилган сиёсат юритишга қаратилган саъй-ҳаракатлари эди.

Кўпчилик эътибор қаратган бўлса керак, Муҳаммад Солиҳ етакчилигидаги мухолифат янгидан ҳокимият тепасига келган амалдаги ҳукуматни кескин танқид қилишдан ўзини тийиб келмоқда.

Бу эса, бир томондан, давлат раҳбарининг эндигина куртак отаётган очиқлик, дунёга очилиш, халқ манфаатини биринчи ўринга олиб чиқиш сиёсатига хайрихоҳлик, иккинчи томондан, мухолифат ва ҳокимият ўртасида конструктив мулоқотни йўлга қўйиш истаги билан боғлиқ кўринади.

Тўғриси, Шавкат Мирзиёевнинг ўтган йили Туркияга сафари чоғида ўзбек ҳукумати ва мухолифат, жумладан, Муҳаммад Солиҳ ўртасида қандайдир юзма-юз бир мулоқот бўлишини кутганлар ҳам бор эди.

Чунки ўзининг ўта келишмовчилик характерига қарамай, ҳатто Ислом Каримов даврида ҳам бундай мулоқотни ўрнатишга қаратилган ҳаракатлар бўлгани бугун сир эмас.

Лекин Ш.Мирзиёев ва М.Солиҳ воситачилари ўртасида бундай мулоқот бўлгани ҳақида на расмий, на норасмий маълумотлар бор. Лекин бу дегани улар қандайдир музокаралар ўтказаётган бўлиши мумкин, деган тахминни илгари суришга халақит бермайди.

Шундан келиб чиқиб фақат битта хулосани айтиш мумкин. Ўзбек мухолифатининг энг таниқли вакилининг ватанга қайтишига шарт-шароит яратилиши Муҳаммад Солиҳнинг ҳам, Шавкат Мирзиёевнинг ҳам ғалабаси эмас, моҳиятан, мамлакат халқининг демократик давлат қуриш йўлидаги мислсиз ғалабаси бўлган бўлар эди.

Сардор Азим
Eltuz.com

Тағин ўқинг
29 май 2018
Фавқулодда вазиятлар ва соғлиқни сақлаш вазирлиги расмийлари туз бўронидан жабрланган Қорақалпоғистон ва Хоразм вилоятига учиб келишди. 29 май куни ...
6 июн 2016
Ўқувчиларимизга маълуму машҳур Қуддус Аъзамовнинг навбатдаги бир кўрсатуви «Тинчлик учун курашмоқ керак» мавзусига бағишланди. Ана ток шоу, мана ток ...
17 феврал 2016
Бундан илгари Каниза (Aҳмeдoвa Шaҳризoдa Фaрҳoдoвнa) ўзининг Porsche Cayenne машинасининг ойнаси синдирилгани, қимматбаҳо 12000 долларлик Vertu мобил телефони ўғирланганидан ...
9 май 2018
Ўзбекистонда бу йилги 9 майни эски совет анъаналарига хос нишонлашга ҳар йилгидан ошиқча ғайрат кўрсатилмоқда. Бу тадбирлардан, «Элтуз» нашри ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...