Асосий мавзулар
5 феврал 2018

Депутатлар нега кеч «уйғонди»?

Ўзбекистон парламентининг икки депутати Вазирлар Маҳкамасининг юридик шахслар автомобиллари ҳайдовчиларининг айнан «Аvtotest-Report» МЧЖ малака курсларида ўқиб, мажбурий сертификат олиши борасидаги қароридан норозилик билдирди.

Депутатлар Расул Кушербоев ва Қодир Жўраев ҳукуматнинг ўтган йил 4 сентябрда қабул қилинган бу қарори қайта кўриб чиқилишига эришмоқчи.

Демократик давлатларда депутатларнинг бу каби чиқишлари табиий ҳол. Аммо Ўзбекистон борасида бундай дейиш қийинроқ.

Шу нуқтаи назардан, икки депутат нега қарор чиққанидан қарийб беш ой ўтиб «уйғонгани» ғалатироқ кўринмоқда. Уларга бундай баёнот билан чиқишига юқоридан кимдир изн берган, деган фикр пайдо бўляпти.

Депутатлар томонидан шу пайтгача ҳукуматнинг бирорта қарорига қарши гапириш кузатилмагани сабабли бу шубҳада жон бордек кўринади.

Қолаверса, уларнинг чиқишлари яхшигина информацион қўллаб-қувватлашга эга бўлмоқда.

Тўғри, мамлакатдаги сиёсий ўзгаришлар тўлқинида Р.Кушербоев ва Қ.Жўраев жуда кўпчиликда норозилик уйғотган қарорга «виждон амри» билан қарши чиқяпти, деб ўйлаш ҳам мумкин. Аммо қўғирчоқ парламент вакиллари ҳақида гап кетганда бу фикрга асос мустаҳкам эмасдек.

«Аvtotest-Report» МЧЖ Давлат солиқ қўмитаси раҳбари Ботир Парпиевнинг қудратли бизнес империясига алоқадор, деб кўрилади. Унинг эгаси эса Б.Парпиевнинг яқин одами, президент матбуот хизмати раҳбари Комил Алламжонов экани айтилади.

К.Алламжонов давлатнинг чўнтагини ўз чўнтаги билан адаштириб қўйганига анча бўлган. Бир вақтлар «Бухгалтерга электрон мадад – БЭМ» дастури барча фирма ва компанияларга мажбуран тиқиштирилганди.

У пайтларда К.Алламжонов ДСҚ матбуот хизмати раҳбари эди. Энг қизиғи, бу дастурни сотишга бевосита солиқ идоралари ходимлари жалб қилинганди. Ҳолбуки, БЭМ дастурини сотадиган фирма К.Алламжоновнинг хусусий мулки эди.

«Аvtotest-Report» МЧЖ ва БЭМ фирмаси билан боғлиқ бу воқеалар давлат ваколатларидан фойдаланиб шахсий бойлик орттиришнинг энг ёрқин кўринишларидан биридир.

Бу коррупционерлар ҳатто ҳукуматдан ўзларининг манфаатларига хизмат қиладиган алоҳида қарор чиқартиришга эришгани эса уларнинг қудратидан дарак беради.

Назаримизда, парламент депутатларининг кеч бўлса-да «уйғониши» мана шу қудратли кучга қарши чиқишга қарор қилинганидан дарак беради.

Мазкур саъй-ҳаракатлар ортида ҳам қудратли кучлар борга ўхшамоқда.

Баҳодир Шариф
Eltuz.com

Тағин ўқинг
23 январ 2018
Ўзбекистон олтинини хорижга ташмалаш Ислом Каримов ва унинг атрофидагилар томонидан ҳали мустақилликнинг илк йилларидан бошланган эди. Мамлакатнинг биринчи ва ...
23 июл 2018
Тошкент шаҳри ИИББ наркотиклар тарқатиш иши бўйича айбланаётган тадбиркор Жаҳонгир Умаровга нисбатан қийноқлар қўлланилгани ҳақидаги хабарларни рад этди. ИИББнинг ...
12 сентябр 2016
«Оила даврасида» газетаси (08.09.2016) бугунги Ўзбекистоннинг оддий аҳолисини энг кўп ўйлантираётган муаммолардан бири – банк пластик картаси орқали молиявий ...
16 июн 2016
Фарғона вилоятнинг таълим муассасалари директорлари иккитадан олиши керак бўлган “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиорининг ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...