Асосий мавзулар
16 апрел 2018

Жазосизлик ҳокимларни рағбатлантиряпти

Ислом Каримов даврининг ўзига хос рамзларидан бирига айланган сўконғич ва уронғич ҳокимлар бугун ҳам бу мақомини бой бергиси келмаётганга ўхшайди.

Гарчи уларнинг сўкиш ва уришлари ҳақида шов-шувлар кўтарилаётган бўлса-да, тегишлича қаттиқ жазо олмаётгани ҳокимларнинг янада ҳаддидан ошишини рағбатлантирувчи восита бўлиб хизмат қилмоқда.

Сўкинишлари билан донг таратган амалдорлардан бири Андижон шаҳри ҳокими Дилмурод Раҳматуллаевдир.

Унинг халқ таълими ходимларини мактабда дарс ўтиш ўрнига турли жамоат ишларига жалб қилаётганидан норози ўқитувчиларнинг фиғонидан чанг чиқади.

Улар ҳоким ўқитувчиларни эшак қилиб миниб олгани, кўча тозалашга одам олиб чиқмаган директорларни ишдан бўшатаётганидан ёзғиради.

“Биз ҳам нима қилишни билмай қолдик. Бир оғиз гап айтиб бўлмайди. Ўзини хондек ҳис қиляпти. Мажлисларда «мана шунча ёздинг, нима қилдинг, ҳеч нарса қилолмайсан ҳам, ўласан айтганимни қиласан, бўлмаса уруғ-аймоғинг билан йўқотаман, деяпти”, дейди халқ таълими мулозимларидан бири “Озодлик” радиосига.

Эсингизда бўлса, оғзи шалоқлиги, ўқитувчи ва маҳалла раисларини ҳақорат қилгани учун ўтган йили у маъмурий жавобгарликка тортилиб, энг кам иш ҳақининг 30 баравари миқдорида (5 миллион 167 200 сўм) жарима жазосига ҳукм қилинганди.

Шундан кейин ҳам бу ҳокимнинг турли йиғилишлардаги бўралиб сўкинишлари ҳақида яна хабарлар пайдо бўлди.

Бу хабарлардан ҳоким аввал берилган маъмурий жазодан бутунлай тескари хулоса чиқаргани, яъни шармандаларча ишдан ҳайдалмаганидан рағбат олгани англашилади.

Тўғрида, 5 миллион сўмлик жарима ҳокимга нима бўлибди? Карнайчидан бир пуфда бу сумма унинг учун.

Шунинг учун “ёзганинг билан нимага эришдинг”, дея бемалол ўзини хон, кўланкаси майдон ҳис қилаверади.

Унинг учун дарс ўтилмаслиги, ўқувчилар билимсиз қолиб кетиши фожеа эмас. Унга ўқитувчиларни ободонлаштиришга қулдек ишлатиб, президент олдида очко олиш муҳим.

Тўғрисини айтганда, бу қилмишлари ортидан ҳокимлар мақтов олади, аммо президентнинг имижига зарар етиб бораверади.

Давлат раҳбари буни яхши англаб турган кўринади. Куни кеча у Сирдарёга ташрифи давомида айни шу масалага ҳам эътибор қаратди.

Президент бундан буён биронта ҳудудда ўқитувчи, шифокор ёки талабалар ободонлаштиришга жалб этилса, жазо жуда қаттиқ бўлиши ҳақида барча раҳбарларни огоҳлантирди.

Бу огоҳлантиришни эшитиб, бир ишонгингиз келади, кейин эса Андижоннинг оғзи шалоқ ҳокими кабиларнинг жазодан рағбат олаётганини эсласангиз, умидсизликка тушасиз.

Ҳар ҳолда, президентнинг огоҳлантириши амалда ўз исботини топмаса, умидсизликдан қутулиш қийин кўринади.

Баҳодир Шариф
eltuz.com

Тағин ўқинг
8 август 2018
«Биздан олдин келган икки этапнинг ҳам «ломка»си даҳшатли бўлган. Калтакдан ўлганлар, бир умрга майиб бўлганлар ҳам бўлган экан. Биринчи ...
17 май 2018
1976 йилнинг 8-17 апрелида Ўзбекистоннинг табиий газ олинадиган ҳудудида жойлашган Газли шаҳрида бирин-кетин туркум ер қимирлашлари юз берди. Даҳшатли ...
12 июл 2017
Андижонда ҳаво ҳарорати кўтарилган сайин одамлар фавворалар ёни ва сув бўйларига ўзини урмоқда, об ҳаво даражаси ҳақидаги расмий маълумотларга ...
2 май 2016
«Народное слово» газетасининг «Жаҳон» ахборот агентлигига асосланиб ёзишича, БМТнинг Нью-Йоркдаги қароргоҳида БМТ Бош Ассамблеясининг 70-сессиясининг расмий ҳужжати сифатида Ўзбекистонда ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...