UzPoster
16 апрел 2018

Қодирийни отганлар кийимини ўзбек аскари кияди

Мудофаа вазирлиги ҳарбийларнинг кийим-бошлари намунасини тақдим қилди. Ўзбек ҳарбийсининг янги мундири намуналари 1937 йилда Туркистон ойдинларини қатағон қилган НКВД ҳарбийлари мундирига жуда ўхшайди.

14 апрель куни Газета.ўз нашри чоп этган мақолага изоҳларда ўзбек ҳарбий кийими бичимига улги эски совет армиясидан олингани, жумладан, рус армияси ишлатган фуражка ва камари замонавий мунтазам армия учун эскирган атрибутлар экани ёзилмоқда.

Лекин муаммо нафақат бу ўхшашликларда. «Элтуз» нашрининг ўрганишича, янги ўзбек ҳарбий мундирини тикишга буюртма олган тўртта ширкатнинг камида иккитаси Россияникидир.

Ҳарбий кийим-бош намуналари Москвада рўйхатга олинган «Идеал» ширкати томонидан тақдим қилинган, Россиянинг «Смарт-текс» ширкати эса матоларни бўяш пудратини амалга оширади.

Пудратнинг бир қисми эса Хитой иштирокидаги «Наримтекс» қўшма корхонаси ва «Апитекс» ширкати зиммасига тушган.

Яна бир муаммо пахта саноати ривожланган мамлакат ҳарбийларининг кундалик кийим-боши 40 фоиз полестер аралашмасидан бўлган «рипстоп» газламасидан тикилиши, подкладкасининг эса 100% кимёвий материалдан экани, шунингдек, холофайбер, синтепон, импорт жун ва суньий толалар ишлатилишидадир.

Ушбу ҳарбий кийим-бош аллақачон Самарқанд вилояти ҳарбий қисмларига синов тариқасида тарқатилган.

Ўзбек армияси Марказий Осиёда миқдори жиҳатидан энг катта ва энг кучли қўшин ҳисобланади.

Ўзбекистон мудофаа қўшинлари қудрати жиҳатидан Global Firepower нинг 2015 йилги рейтинги бўйича дунёда 54 ва МДҲда 3-ўриндадир.

Ўзбекистон Қуролли кучлари таркиби 12 ойга чақирилувчи мудддатли, бир ойга чақирилувчи сафарбарлик, контракт ҳамда доимий ҳарбий хизматчилардан таркиб топади.

Биргина қуруқликдаги қўшинларга ҳар йили 40 мингдан зиёд аскар муддатли хизматга чақирилади. Доимий ҳарбий хизмат, ҳаво, денгиз, чегара, ички ишлар қўшинлари, ДХХ таркиби бундан мустасно.

Бу эса армияни кийинтириш билан тўлиқ Ўзбекистон ширкатлари шуғулланиши иқтисодий жиҳатдан ҳам муҳимлигини, бундан маҳаллий тикувчи ширкатлар кўпроқ манфаатдор бўлиши кераклигини англатади.

Eltuz.com

Тағин ўқинг
25 ноябр 2016
Eltuz.com учун чизган навбатдаги карикатурасида рассом Туз Шавкат Мирзиёевни Каримов қабридан эстафета таёқчасини олиб кетаётган тарзда акс эттиради. «Каримовнинг ...
4 октябр 2016
Яқинда ҳаммаси зўр бўлади! Сизга раҳмат, Шавкат ака! Ўзбек интернет сегментида келгусидаги ижобий ўзгаришлар ва уларга янги ҳукумат эришиши ...
9 октябр 2017
Журналист Бобомурод Абдулланинг қамоққа олиниши ортидан, ўзбек ҳукумати узоқ муддат қамоқда сақланган бир нечта ҳуқуқ фаолларини озод қилди. 7 ...
9 май 2016
Eltuz.com манбасининг айтишича, бош вазир ўринбосари, айни пайтда «Ўзавтосаноат» АК бошқарув раиси, Машинасозлик, электротехника ва авиация саноатини ривожлантириш, маҳсулотларни ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...