Асосий мавзулар
3 май 2018

Ҳукумат аъзоларисиз ўтган ҳукумат соати

Олий Мажлис Қонунчилик палатасида Ўзбекистон парламенти тарихидаги илк ҳукумат соати ҳукумат аъзоларисиз ўтказилди.

“Ўзбекистон Республикаси Олий Мажлиси Қонунчилик палатасининг регламенти тўғрисида”ги ва “Парламент назорати тўғрисида”ги қонунларга мувофиқ бўлиб ўтган ушбу тадбир ҳукумат ҳали ҳам депутатларни бир пулга олмаслигини яна бир бор исботлади, деб айтса бўлади.

Мазкур тадбир ҳақида Ўзбекистондаги кўпгина нашрлар хабар тарқатди. Лекин бирорта хабарда парламентдаги ҳукумат соатида ҳукумат аъзоси иштирок этгани ҳақида маълумот берилмади.

Ушбу хабарларга кўра, парламентдаги ҳукумат соатида республика аҳолисини тоза ичимлик сув билан таъминлаш ҳамда ичимлик сувни тежамкорлик билан ишлатиш борасида олиб борилаётган ишлар, шунингдек, аҳолини ва тиббиёт муассасаларини арзон ва сифатли дори-дармон воситалари ҳамда тиббиёт буюмлари билан таъминлаш, айниқса, жойларда ижтимоий дорихоналарни ташкил этиш ҳолатлари тўғрисидаги масалалар кўриб чиқилган.

Парламентдаги манбанинг айтишича, Қонунчилик палатаси тарихидаги ушбу тадбирга ҳукумат аъзолари ҳисобланадиган вазирлар эмас, балки уларнинг ўринбосарлари келган.

Ўзбекистон парламенти тарихидаги илк шундай тадбирга нисбатан бундай муносабат айрим депутатларнинг тушунмовчилигига ҳам сабаб бўлган.

Бу тушунмовчиликка жавобан, парламентдаги манбанинг билдиришича, депутатлар ҳузурига келиши керак бўлган вазирлар айни пайтда президентнинг муҳим топшириқларини бажариш билан бандлиги маълум қилинган.

Ўзбекистондаги ахборот манбалари бу тадбирни баладпарвозлик руҳида ёритди. Ҳукумат соати президентнинг ҳаракатлар стратегияси дорасида бўлиб ўтганига урғу берилди.

“Мазкур институт, биринчидан, ҳукуматнинг парламент билан муносабатлардаги масъулиятини оширса, иккинчидан, жойларда тўпланиб қолган, аҳолини ўйлантираётган масалаларни ҳал этишга хизмат қилади. Таъкидлаш жоиз, ҳукумат соати ҳаракатлар стратегиясида кўрсатиб ўтилган давлат ва жамият қурилишини такомиллаштириш йўналишида ҳам муҳим аҳамиятга эга”, дея изоҳлар берди “қўлбола” экспертлар.

Аслида эса парламентдаги манба ўз қадрини оширишга иштиёқманд депутатлар ҳукуматнинг бундай масъулиятсизлигидан норози бўлганини айтмоқда.

Шунга қарамай, депутатлар ҳукумат аъзоси иштирок этмаган ҳукумат соатини одатий тадбир сифатида қабул қилишга журъат эта олмаган.

Хулоса шуки, Ўзбекистондаги парламентаризм яна бир бор мағлубиятга учради. Илк ҳукумат соати сифатида тарихга ёзилган тадбирда ҳукумат аъзолари иштирок этишни ўзига эп кўрмади.

Сардор Азим
Eltuz.com

Тағин ўқинг
3 сентябр 2018
Ислом Каримовнинг ўлганига икки йил бўлиши билан Ўзбекистон ҳукумати марҳум президентнинг шиорлари, расмлари ва китобларини йўқ қилиш кампаниясини бошлади. ...
5 май 2016
«Гумроҳлар», «Алданган аёл», «Ажал жодуси», «Odnoklassniki» каби бугунги ҳукуматнинг мафкуравий талабларига жавоб берадиган фильмлар режиссёри Ҳилол Насимов бу каби ...
14 октябр 2021
Европада хавфсизлик ва ҳамкорлик ташкилоти (ЕХҲТ)нинг Демократик институтлар ва инсон ҳуқуқлари бўйича бюроси (ДИИҲБ) кузатувчилар миссияси 11 октябрь куни Ўзбекистондаги президент ...
7 апрел 2021
Германиянинг “Люфтганза” авиаширкати учоғи Истанбулдаги Отатурк аэропортига қўниш учун пастлади. Қўйли “тур болам”, деган овоздан уйғонди. Бир вақтлар онаси ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...