Асосий мавзулар
12 июн 2018

Кўприкни нега чет элликларга қурдирамиз?

Бундан бир қанча вақт аввал айрим маҳаллий сайтлар “Жаҳон” ахборот агентлиги хабарига таянган ҳолда Бельгиянинг Victor Buyck Steel Construction (VBSC) компанияси Тошкентда 23 та пиёдалар ерусти кўприги қуриши ҳақида хабар тарқатди.

Маълум бўлишича, лойиҳа Ўзбекистон делегациясининг май ойида Брюсселга ташрифи доирасида тақдим этилган.

Мақолада VBSC ижрочи директори Пит Ферхайен бир неча ой аввал Тошкентга ташриф буюргани, ўзбек ҳамкасблари пиёдалар ерусти кўприкларини қуриш бўйича лойиҳани кўриб чиқишни таклиф этганини айтгани баён қилинган.

Энг қизиғи, kun.uz сайти Тошкент шаҳри ҳокимлиги масала бўйича саволни жавобсиз қолдирганини ёзган.

Агар масалага чуқурроқ қаралса, ўзбек қурувчилари Тошкентда ажойиб пиёдалар кўприкларини қургани, шу кунларда яна қураётгани эътиборга олинса, қизиқ фикрлар уйғониши мумкин.

Пиёдалар кўприги қуриш қурувчи ташкилотга бир марта фойда келтиради. Қурувчи пулни олади, кўприкни қуради, шу билан кетди.

Яъни ундан фойдаланиш қурувчи ташкилотга бошқа фойда келтирмайди. Зеро, кўприкдан фойдаланиш бепул.

Асосий саволлар шу ўринда туғилади. Нега ўзимизда кўприк қуришнинг ҳадисини олган ташкилотлар бор бўлган бир пайтда чет элликлар хизматидан фойдаланишга эҳтиёж туғилди?

Нега кўприк қурилиши учун валютада пул тўлаб, чет эл компаниясини жалб этишимиз керак? Ёки улар бизникилардан яхшироқ қурадими?

Бизнес марказлар, тижорат мақсадидаги катта-катта қурилишларга хорижий компанияларни жалб этиш кераклиги ўз-ўзидан тушунарли. Улар шунга маблағ ҳам тикади, яъни инвестиция киритади, чунки бу қурилишлар келажакда фойда келтиради.

Албатта, Тошкент шаҳри ҳокимлиги пиёдалар кўприкларини қуриш бўйича хорижлик шериклар билан қандай шартларда келишувга бораётгани бизга қоронғу.

Агар гап янги технологиялар ҳақида бораётган бўлса, бу технологияларни ўзимизнинг мутахассислар ўрганишини таъминлаб, замонавий технологик ускуналарни харид қилишга нима халақит беради?

Ахир харид қилинган технологиялар, аввало, ўзимизда қолиб, кейин ҳам хизмат қилади-ку!

Зеро, пулимиз бор эканки, чет элликларга қурдирмоқчимиз кўприкларни. Ҳар ҳолда улар текинга қурмаса керак?!

Мана шундай саволларга амалдорлар очиқ-ошкора жавоб бермай турган бир пайтда мутасаддилар ўзимизнинг қўлимиздан келадиган иш учун чет элликларга пул тўламоқчи бўлаётганини тушуниш анча қийин.

Шундай эмасми?

Баҳодир Шариф
Eltuz.com

Тағин ўқинг
5 июн 2017
«Ўзбекконцерт» бирлашмасида президент девонидан келган вакил иштирокида ўтказилган шошилинч йиғилишда ижтимоий тармоқда пайдо бўлган “Султонимиз омон бўлсин!” қўшиғи кескин ...
22 май 2018
Президент Мирзиёевнинг Андижонга сафари шаҳарни бегона кўзлардан тўсиш, ошиқча эҳтиёт чоралари ва мулозимларнинг одатий лаганбардорликлари билан ўтди. Президент ўтадиган ...
15 сентябр 2017
15 сентябр куни Тошкентдаги «Zeroline» галереяси «Қочиш» (Побег) деб номланган тасвирий санъат кўргазмасида, мамлакатни тарк этган рассом Шуҳрат Бобожон ...
11 декабр 2017
5 декабрда Amnesty International инсон ҳуқуқлари ташкилоти ҳуқуқ ҳимоячиларининг ўлими ва уларнинг ўлдирилиши ҳолатлари кўпайиши тенденцияси мавжудлигини тасдиқлайдиган ҳисоботини ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...