ART-DURBIN
20 июл 2018

Музей мудираси: Занглаган ускуна боис Шевченконинг шоҳ асарига зарар етди

Нукус музейида 16 июлга ўтар кечаси занглаган қувурдан оққан сув машҳур футурист рассом Александр Шевченконинг «Челак кўтарган аёл» расмига зарар етказди.

Воқеа, «Элтуз» мухбирининг ўрганишича, Савицкий музейи кўргазмалар зали шифтига ўрнатилган ёнғинга қарши мосламалар (спринклер)дан бирининг кечаси узилиб тушиши оқибатида рўй берган.

Бу ҳолатни «Элтуз»га тасдиқларкан, музей тасвирий санъат бўлими мудираси Венера Ким ҳодисанинг интернетда анча кўпиртирилганини ҳам айтди.

«Шевченконинг «Челак кўтарган аёли»га етган зарар интернетда қай даражада кўпиртирилганидан хабарим бор», деди Венера Ким. Унинг айтишича, нашрлар ҳатто музейда ёнғин чиққани, Шевченко асари тиклаб бўлмас ҳолга келганини ёзишган.

Венера Владимировнанинг «Элтуз»га билдиришича, аслида сув оқиши оқибатида машҳур полотнодаги мойбўёқнинг бир парчасигина кўчган, айрим жойлари намиққан ва ҳозирда асарни мукаммал реставрация қилиш масаласи кўрилмоқда.

«Агар билсангиз, айни сув пуркагич мосламалар ўша сиз билган музейнинг олдинги раҳбари Мариника Бобоназарова даврида ўрнатилган эди», деди Венера Ким «Элтуз» мухбири билан суҳбатида.

Шевченко «Челак кўтарган аёл» асарини 1914 йилда яратган. Унинг нархи бугунги кунда бир миллион доллардан зиёд баҳоланиши мумкин, чунки рассомнинг кўлами жиҳатдан камроқ қийматдаги «Шаҳар чеккасида» асари 2012 йили 700 минг доллардан ошиқ нархда сотилган эди.

Eltuz.com

Тағин ўқинг
18 июл 2016
«Адолат» газетасини варақлаб, Ўзбекистон сиёсий ҳаётидаги навбатдаги ўхшамаган пародия, ўзбекча айтганда, ўхшамаган тақлидга кўзингиз тушади. Тақлидки, кулишни ҳам, йиғлашни ...
6 июн 2018
Мажбурий меҳнат мониторинги бўйича 4 июнь куни Навоий вилоятларига борган журналист Малоҳат Эшонқулова участка нозири капитан Одил Қурбонов томонидан ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва турк дунёси имкониятлари ҳақида. ...
14 феврал 2024
Тергов жараёнидан хабардор инсайдерларнинг айтишича, диний блогер Аброр Мухтор Алий (Аброр Абдуазимов) тергов олди суриштирувида терговчилар билан фаол ҳамкорлик ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...