Асосий мавзулар
3 октябр 2018

Гулнора Каримова Дубайдами?

Йирик миқдорда товламачилик ва коррупцияда айбланиб, жазо ўтаётгган 46 яшар Гулнора Каримова 2 октябрь куни хусусий учоқда Дубай шаҳрига келди.

Бу ҳақда «Озодлик» радиоси ўз манбаларига таяниб, 3 октябрь куни маълумот тарқатди.

Гулнора Каримова минган хусусий самолëт 2 октябрь маҳаллий вақт билан соат 14 да Дубайга келиб қўнган ва у VIP меҳмон сифатида қайд этилган.

«Элтуз» нашрининг ўрганишича, Гулнора Каримова исмидаги хос меҳмон Бирлашган Араб Амирлигининг Дубай шаҳрида «Жумейра аль насим» меҳмонхонаси ходимлари томонидан алоҳида эҳтиром билан кутиб олинган ва меҳмонхонанинг de-luxe spa номерига ўрнашган.

“Каримовани кутиб олувчи, унга хизмат кўрсатиш, хусусан, хавфсизлигини таъминлашга масъул хизматчиларга тарқатилган VIP меҳмонга оид маълумотномага” эга эканлигини иддао қилади, жумладан, «Озодлик» эълон қилган мақола муаллифи.

Маълумотномада Каримованинг «2016 йилда вафот этган президентнинг тўнғич қизи экани ва Ўзбекистонда қатор ноҳукумат ташкилотлари асосчиси ва раҳбари экани» айтилади.

Озодлик мухбири Гулнора Каримова билан гаплашди

Мақолада айтилишича, «Озодлик» мухбири Гулнора Каримова билан қисқа суҳбатда бўлган.

«Гўшакни Гулнора Каримова кўтарди. Гўшакни кўтарган аëл “Гулнора, сизми?” деган саволга “ҳа” деб жавоб берди ва ким телефон қилганини билгач, дарҳол трубкани қўйиб қўйган.

Ўзбекистон расмийлари Гулноранинг озод этилганини инкор қилмоқда

Ўзбекистон Бош прокуратураси 2 октябрь куни “Гулнора Каримова қонун билан белгиланган тартибда жазо ўташни давом этмоқда”, дея баёнот берган эди.

2017 йил 28 июль куни Бош прокуратуранинг Уюшган жиноятчилик ва коррупцияга қарши курашиш бошқармаси Бош прокуратура расмий сайтида «Г.Каримовага нисбатан жиноят ишлари юзасидан хабар» эълон қилган эди.

Бу йилнинг 3 октябрида Бош прокуратура расмий сайтидан топилмаган бу ҳужжатда товламачилик ва 2 миллиард доллар атрофидаги пулни яширишда айбланган Гулнора Каримовага Тошкент вилояти судининг 2015 йил 21 августдаги ҳукми билан 5 йил муддатга озодликни чеклаш жазоси тайинлангани айтилганди.

Eltuz.com

Тағин ўқинг
27 август 2018
Кўзимни очсам, БМТ анжуманида ўтирибман. Олдимда Ўзбекистон байроғи. Бўйнимга осилган бейджикни айлантириб қарасам Ўзбекистон вакили эмишман. Аммо ўтмиш билан ...
10 январ 2017
Ўзбекистондаги кадрлар алмашуви кишини сергаклантиради. 20 йиллик шартли қамоққа ҳукм этилган Козим Тўлаганов ҳокимият тизимига қайтди. Корруцияга алоқадор Абдулла ...
22 апрел 2016
«Авакян иши» номи билан шов-шув бўлаётган жиноят иши тўғрисидаги «фош этувчи» тафсилотлар Ўзбекистон ТВси экранидан ўзбек интернет ресурсларига кўчди. ...
26 декабр 2015
ЎзРесЖКнинг фирибгарлик ва товламачилик моддалари билан айблов эълон қилинган Руҳиё Баитова Амнистия Қарорига асосан авф этилди ва озодликка чиқарилди! ...
Блоглар
14 декабр 2018
Фарғона мусиқали драма театри актрисаси Малоҳат Тоирова томошаларига қалбаки чипталар сотилганлигини фош қилгани учун ишдан ...
13 декабр 2018
Шу кунларда кўплаб нашрлар Гулнора Каримованинг Ўзбекистон ҳукуматини моддий қўллаб-қувватлаш ниятида экани ҳақида ёзишди.   Жамиятдан ...
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...