Кундалик
23 октябр 2015

Oғриган жоним…

Акмал Набиев
Eltuz.com

Бир йил аввал ёзган эканман… У пайтлар дўстларимиз ёзган мақолаларга муносабат билдириб турардим, албатта самимий, чин дилдан, холис туриб. Мақтовни ўзим ҳам ёқтирмайман, ўзгаларни ҳам мақтаб кетавермайман, қандайдир ноқулай, кўпроқ танқидий фикр билдирардим. Шу сабаб кимларнидир танқид қилиб қўйиб «сўзбўрон»га қолиб юрган пайтларим ёзган эканман. Ҳозир эсим кириб қолган, танқид ҳам қилмай қўйдим, фикримни ичимда айтиб қўя қоламан…


Чарчадим. Соғлигимни йўқотдим, оғримаган жоним қолмади, дарднинг энг каттаси юракка етган озорлар…

Умр курашлар билан, таъқиблар билан ўтмоқда. Аммо афсус қилмайман, бу ўзим танлаган йўл, мени кимдир шундай яшашга мажбур қилмаган. Бундан бошқача яшай олмасдим ҳам. Мени таъқибу-қийноқлар эмас, бефарқ одамлар безитди, иккиюзламачи одамлар безитди. Қаерни қарасанг тилёғламалик, ёлғон, адоват…

Ўзи ҳаётда дўсту-душман етарли, улар билан керак жойда ҳисоб-китоб қилиб кетилаверади. ФБдагилар эса…

Мана мисол учун, кимдир бирор нарса ёзади, тагида фикр билдириш учун катакчалар. Агар қарши фикр билдирсангиз балога қоласиз, Худо кўрсатмасин , таниқлироқ одамнинг йўлини кесиб ўтсангиз туғилганингизга пушаймон едиришади.

Нима, уларга фақат мақтов керакми? Нима, улар учун доимо масхарабозга ўхшаб олачипор кийиниб юриш керакми? Ўшандақа жоҳиллар дастидан кейинги пайтларда таниқлироқ одамларнинг ёзганларига фикр билдирмай ҳам қўйдим, мақтайдиганлар менсиз ҳам етарли, агарда билмай ноўрин ёзиб қўйсанг бошланади таниқлига содиқлар намойиши. Хўп, сиз билан фикрим бир эмас, аммо бу бир умрга душман бўлиб ўтиш дегани эмас-ку?! Токай бир-биримизга адоватда яшаймиз?

Аслида шундай адоват, фитналар билан бир-биримизнинг умримизга зомин бўлаётгангимизни билмаймиз. Эртага бирор сабаб билан дунёдан ўтсанг, ана унда кўр номингга ёғилган ширин сўзу-марсияларни…

Одамлар, мен сизлардан меҳр-муҳаббат, оқибат кўргим келади ва сизларга ҳам ўшаларни қайтаргим келади. Ва ҳеч қандай шартсиз. Ширин ёлғонларсиз, қандай бўлса шундайлигича, рўй рост, аччиқ ҳақиқатлар билан.

Доимо соғ-саломат бўлинглар.

Тағин ўқинг
12 сентябр 2017
12 сентябр куни тармоқда Сирдарёда туман ҳокимининг мактаб директорларини ураётгани акс этган видео тарқалди. Кун.уз нашри тарқатган видеода Сирдарё ...
17 апрел 2018
Ўзбекистон Бандлик ва меҳнат вазирлигининг Ташқи миграция агентлиги томонидан Россияга расман ишга жўнатилган йигитлар одам савдоси қурбони бўлганини айтмоқда. ...
12 май 2022
Мен ТошДУнинг журналистика факультетига 1982 йил ўқишга киргандим. Туркистон, яъни Марказий Осиё ва Қозоғистон ҳудудидаги бу илк университетга 1918 ...
9 сентябр 2019
«Элтуз» ҳар ҳафта ўзининг ютуб каналида Швецияда яшаётган ўзбек ошпази Дўстназар Худойназаров билан ҳамкорликда янги «Биздан жиз-з» рукнини бериб ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...