Асосий мавзулар
7 декабр 2016

Ўзбек ҳукуматининг санъат асарларига бўлган икки хил муносабати

Бундан роппа роса уч йил бурун, 2014 йилнинг декабрида Жиноят ишлари бўйича Яккасарой тумани суди Ўзбекистон давлат санъат музейи бош муҳофизи Мирфайз Усмоновни 9 йилу 3 ойга озодликдан маҳрум қилган эди.

Жиноят ишига музей фондидан йўқолгани ва қалбакисига алмаштирилгани аниқланган 25 га яқин рангтасвир асари асос бўлган.

Бироқ, айни музейга тааллуқли айрим тасвирий санъат асарлари 2013 йили уй қамоғига ташлангани иддао қилинадиган президентнинг тўнғичи Гулнора Каримованинг Женевадаги уйидан топилган эди.

2015 йилнинг 25 августида эса сувратлар камомадида айбланиб Нукусдаги Қорақалпоқ Давлат cанъат музейи директори Мариника Бобаназарова ҳам ишдан бўшатилди.

Мариника Бобоназарова ўзининг ишдан бўшатилишини ҳукумат доҳил шахсларнинг музей дурдоналарини талон тарож қилишлари учун очилган йўл дея баҳолаган эди.

Жумладан ўтган йили 32 нодир картина МХХ зобити бўлган Ўзбекистон фуқароси Юрий Савинков уйидан топилган.

Ўз даврида Гулнора Каримова ва унинг МХХдаги шотирлари учун очилган, санъат дурдоналари масканларининг калитлари бугун бошқа шахслар қўлида жарангларкан, олдинги даврда камомад қилган мухофизни жазолашдан бошқача муносабатни ҳам кўрамиз.

Масалан, ҳукумат наздида исталмаган шахс дея кўрилган рассомнинг асарларини ёқиш истагини.

Шу йилнинг 2 декабр куни Урганч Сувратлар галереясини текширган МХХ ходимлари Галерея бош мухофизи Ширин Тошевага таниқли рассомлар Вячеслав Оҳунов ва Шуҳрат Бобожонов мўйқаламига мансуб 25 тача асарни ёқишни буюришди.

Ҳамкасби Мирфайз Усмоновдан фарқли Ширин Тошева бундай жиноятдан кўра ишдан бўшаш ҳақида ариза ёзишни маъқул кўрди.

МХХ томонидан Урганчдаги рангтасвир асарларини ёқиб юборилишига карши петицияни шу ерда имзолашингиз мумкин.

Eltuz.com

Тағин ўқинг
29 март 2016
Sputnik интернет нашрининг Хусусийлаштириш, монополиядан чиқариш ва рақобатни ривожлантириш давлат қўмитасидаги манбага асосланиб билдиришича, Ўзбекистонда 2016 йилнинг биринчи чорагида ...
25 январ 2016
Маданият ва спорт вазирлиги эълон қилган Ўзбекистон халқ артистлари рўйҳат билан танишаркан, уларни ҳукумат исталган ва исталмаганларга ажратганини сезиш ...
19 сентябр 2016
Шавкат Мирзиёевнинг давлат тепасига келиши ортидан одамлар халқ оғзаки ижоди шаклида видео, ҳажвий суратлар билан бирга шеърлар ҳам ёза ...
5 январ 2017
Зилзиладан кейин вайрон бўлган Тошкент ўз ижодий имкониятини реализация қилиш учун ер қидирган совет меъморлари учун янги имкониятлар очди. ...
20 феврал 2017
Андижондаги тижорат дўконларида одатда одамлар баҳор пайти уйда пиширадиган сумалак сотила бошланди. Баъзи одамлар бу ...
14 феврал 2017
14 феврал севишганлар куни Андижонлик Абдусалом Каримов Прагада юрак шаклидаги сомсалар ишлаб чиқаришни йўлга қўйди. ...
8 феврал 2017
7 феврал куни ўтган селектор мажлисида президент Шавкат Мирзиёев, туғуруқхоналарда порахўрлик очиқдан-очиқ тус олгани ҳақида ...
16 феврал 2017
13 январ куни кечга яқин Стокгольмнинг жанубида 35 ёшлардаги чимкентлик Шуҳрат исмли ўзбек мухожири жанжал ...
25 январ 2017
Журналистларни ҳимоя қилиш қўмитасининг мактуби менга 25 йиллик журналистик фаолиятимда ҳукумат тарафидан ёпилган ва мен ...
16 июл 2016
Ўзбекистонда «тинчликни мадҳ этиш учун» мафкура клипи сифатида тайёрлангани айтилаётган айни клип мусиқаси ўзгармаган, бироқ ...