Блоглар
13 октябр 2015

Юрган одамгина манзилга етади

Бугун интернет саҳифаларида ник остига яшириниб воҳай ўлдим деб зорланаëтганлар ўзгариш йўлида бир қадам ташлашга қўрқадилар. «Бундан ҳам ëмон бўлса нима қиламиз» деб ўйлашади ва ўтиришаверади ох воҳ қилиб.

Жек Лондоннинг «Уч қалб» асарида ҳаракатсиз турган одамни ютадиган даҳшатли қум саҳросининг тасвири бор. Ўзбекистон режими ҳам шундай саҳро . Одамлар ҳаракатсиз бўлгани сайин кўпроқ ерга кирмоқда.

Кеча тиззаларигача кирган бўлсалар¸ бугун белларигача¸ валлаҳи аълам эртага бўйинларигача жимгина ерга киришга тайëрлар. Эх¸ Конфуций¸ Конфуций сени ўқиган сайин кўп нарсани тушуна бошлайман.

«Энг мухими бир жойда турмаслик¸ илк қадамни ташлашга журъат топиш.» дея ëзганингда нақадар ҳақ эдинг сен. Мен Қорақум ва Қизилқум ëқасидаги Хоразмда улғайдим.

Қумда йўлдан адашишнинг бадали ўлим эканини ҳар бир хоразмлик билади. Лекин ҳадаф аниқ бўлса қумда ҳам саҳрода ҳам узоқ манзилга етиш мумкин.

Xудди инглиз мақоли каби » A journey of a thousand miles begins with a single step» Минг майл масофа ҳам илк қадамдан бошланади деб таржима қилсак бу мақолни.

Яна не дейин. Нега жим бу халқ. Ноғорани урмагунча овози чиқмайди десак тўғри эмас. Уриш сўкиш¸ камситиш бўлса шунчалик бўлар.

Бундан атиги 23 йил бурун бу миллатнинг ўзгариш иштиëқи Болтиқбўйи эллари билан беллашган эдику. 1989 йилнинг август ойида тақдир тақозоси билан Урганчдаги Спартак стадионида илк мустақил митинг ташкилотчиларидан бири эдим.

» Эрк ва мустақиллик » деган шиор остидаги бу митингда нутқ сўзламоғим керак эди. Аммо ташкилий ишлар билан бўлиб нутқ ëзишга улгурмадим. Рассом ўлароқ нутқ ëзишга нўноқ эдим. Бу нутқни дўстимиз¸ хозирда таниқли исломшунос олим Абдурашид Зоҳидов ëзиб берганлигини миннатдорлик билан эслайман. Нутқ «ЮРАЙЛИК» деб аталган эди. Бу нутқ нима ҳақда экани аниқ эсимда йўқ¸ лекин сўнгги жумла эсимда.

Бу сўз «юрайлик «деган сўз эди. Биз бу сўз қанотида майдонларни тўлдирдик. Фарғона водийси¸ Тошкент ва Қашқадарë майдонларида юришлар бошланди.

Миллат юра бошлаган эди. Аммо сал ўтмай ҳаракат сардорлари ТВ га чиқиб «юришни тўхтатинглар» деб амр қилишди. Балки тактик жиҳатдан тўғри бўлган бу қарорнинг стратегик ҳато бўлганига сўнгги 23 йил гувоҳлик беради. Юрмай қўйган одамни ер ютгани каби бизни ҳам ер ютди. Мана 23 йилдирки каримовлар устимизни тепкилашади. Балким етар. Балким ўрнимиздан ғоз туриб илк қадамни қўярмиз. Балки биз ҳам юриб йўқотган йўлимизни топиб олармиз.

Борми шундай истак?

Шуҳрат Бобожон,
eltuz.com

Тағин ўқинг
5 феврал 2016
Рассом Элсевар бугунги ҳажвий расмини, Ўзбекистонда газ, сув, электр ва бошқа коммунал тўловлардан қарзлар муаммосининг қандай ҳал этилаётганига бағишлади. ...
27 феврал 2017
Олдинги дайжестларимизда бир неча бор Ўзбекистонда расман рўйхатдан ўтган электрон оммавий ахборот воситаларида уйғониш эпкини эсаётгани, улар аввал умуман ...
14 август 2017
2015 йилнинг 25 сентябрида Хоразмга мажбурий меҳнат мониторинги учун борган мустақил журналист Малохат Эшонқулова ва ҳуқуқ ҳимоячиси Елена Урлаевалар ...
26 июл 2016
Қамчиқ довонидаги туннел баҳона Оқсаройга йўналган пахта оқими янада кучайди. Бутун Ўзбекистон матбуоти бугун шу қурилишни амалга оширганларга эмас, ...
Блоглар
16 октябр 2017
Ҳар дам олиш кунлари Тошкентдаги турли вазирликлар, давлат қўмиталари, сон-саноқсиз бюджет ташкилотлар олди эрта тонгдан ...
13 октябр 2017
9 октябр куни Ўзбекистон бош вазири ўринбосари Танзила Норбоева, (фото: чапдаги расм) nuz.uz нашри орқали ...
9 октябр 2017
«Талқончи» нон ушатишда давом этади… Ўзбек махбуслари учун чақимчи камерадош билан яшаш қандай ёқимсиз… Собиқ ...