Document UZ
27 апрел 2017

Журналистлар онасига ҳужум қилганларни топиш портал назоратига олинди

Нотаниш аёлларнинг уйига бостириб келиб жанжал кўтариши ортидан Президент порталига мурожаат этган хоразмлик Шукуржон Мадраҳимова 27 апрел куни Вилоят Ички ишлар бошқармасининг расмий жавобини олди.

Шов-шувли материаллари билан танилган журналист Бобожоновларнинг онаси президент виртуал қабулхонасига йўллаган мурожаатида 18 апрел куни нотаниш аёллар уйига бостириб кириб уни ҳақоратлагани, мобил телефонини тортиб олиб улоқтиришгани ва қочиб кетишганини билдирган. Бу масалада президентдан амалий ёрдам берилишини сўраган эди.

19 апрел куни Мадраҳимованинг яқинлари аёллар ҳужуми ҳақида Ички ишлар органларига мурожаат қилишган, лекин маҳалла оқсоқоли милиционерлар масалани оғзаки йўл билан бости-бости қилишларини айтиб, уни ҳозирча ариза ёзмасликка ундаган.

«Ундан кўра, онангиз кечирим сўрасин ўғилларининг қилмиши учун!» деган гап орасида Урганч туман арбоблар маҳалласи оқсоқоли, халқ орасида «Бакварган қассоб» дея танилган шахс.

Аксарият оммавий ахборот воситалари, журналистларнинг кекса онасига қилинган ҳужум сабабини апрел ойининг бошида «Озодлик» сайтида босилган зўрланган ва хомиладор бўлган 15 яшар хивалик қиз ҳақидаги материал билан изоҳлашмоқда.

Хоразм вилоят ИИБ ўз жавоб хатида жумладан, воқеа жойида ҳозир бўлган профилактика инспектори Қ. Қурбонов «далолатнома асосида расмийлаштиргани» бироқ нотаниш аёллар устидан ёзма ариза берилмаганини писанда қилади.

Шунга қарамай, Хоразм вилоят Ички ишлар бошқармаси Мадрахимовага уни «безовта қилган аёлларни қидириб топиш ва тартибга чақириш бўйича туман ички ишлар бўлими рахбарияти томонидан назорат ўрнатилганлигини» маълум қилади.

Eltuz.com

Тағин ўқинг
5 май 2016
Ўзбекистон фуқароси 36 яшар Муборакхон Усмонова ўз жазмани 55 яшар Азиз Чалишқон (Aziz Çalışkan) тарафидан 27 апрел оқшомида бўғиб ...
22 феврал 2018
Россиянинг Воронеж шаҳрида сиëсий арбоб Владимир Анишчев 21 февраль куни 82 ëшида оламдан ўтди. Анишчев 1991 йилгача Ўзбекистоннинг асосий ...
20 апрел 2018
Коллеж ўқувчисини урган урганчлик ўқитувчи Зебо Нафасова 14 апрель куни ишдан бўшатилди. Унинг ишдан кетишига оёқ кийими билан ўқувчини ...
11 январ 2016
“Ҳуқуқ” нашрининг ёзишича, беш фарзанднинг онаси Холида Зарипова, Шарифжон Бурхонов шахс билан шаръий никоҳ асосида яшаб келган. У олтинчи ...
Блоглар
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини ...