Document UZ
13 декабр 2017

ХМТ: Мажбурий меҳнат тақиқланганлигидан кўпчилик хабардор

12 декабрь куни Халқаро меҳнат ташкилоти (ХМТ) Ўзбекистонда ҳукуматнинг мажбурий меҳнатни тугатиш чораларини кўргани ҳақида баёнот берди.

ХМТ сайтидаги мақолага кўра, Ўзбекистонда пахта теримида сўнгги бир неча йил ичида «болалар меҳнатидан фойдаланиш тўхтатилгани, мажбурий меҳнатни тугатиш бўйича чора-тадбирлар амалга оширилгани» маълум бўлган

30 ноябрь куни Тошкентда ўтган давра суҳбатида муҳокама қилинган бу хисоботни 2018 йил бошида ХМТ Жаҳон банкига тақдим этишни режалаштирган.

ХМТ экспертлари, жумладан, «мамлакатнинг барча вилоятларида пахта йиғим-терими билан шуғулланучи ҳокимликлар, таълим ва тиббиёт ходимларини қамраган 3 мингта музокара, 1000 нафар шахс билан телефон орқали сўровнома ўтказишганини билдиришади.

Теримчиларни жалб қилиш билан шуғулланувчи 6,3 мингга яқин киши учун тренинглар ўтказишган ва теримда «болалар меҳнати ва мажбурий меҳнатга йўл қўйилмаслиги ҳақида хабардорлик даражаси юқори эканлигига амин бўлишган.

Бу йилги теримга Ўзбекистонда пахтачиликка алоқаси бўлмаган деярли барча соҳа ходимлари жалб этилгани, мажлисларда «кам одам олиб чиққан» мактаб директорларининг болохонадор сўкилгани ХМТ маълумотларига кирмаган.

Шунингдек, оммавий теримчилар эшелони бир вилоятдан иккинчи вилоятга шахсий машиналарда, автобусларда, поездларда милиция назорати остида сургун қилингани ҳақида ҳам ХМТ вакиллари одатдагидек индашмайди.

Eltuz.com

Тағин ўқинг
13 апрел 2018
Яқин танишимнинг қизи рус мактабида ўқийди. Ўзбек мактабларида таълим бериш сифати пастлиги боис фарзандини шу мактабга берган. Шундай бўлса-да, ...
30 сентябр 2016
Москвадаги “Фуқаровий кўмак” ташкилоти раҳбари Баҳром Ҳамроевнинг Москвадаги уйига қўнғироқ қилган eltuz.com нашри мухбири, унинг турмуш ўртоғи билан гаплашиб, ...
13 август 2018
2000 йилнинг 13 июнида Муҳаммад Бекжон Жаслиқ турмасидан Тошкентга этап қилинади. Лекин ҳали озодликка чиқишга 18 йил бор… Элтуз ...
18 август 2018
Швейцария федерал жиноят суди Ўзбекистоннинг биринчи президенти марҳум Ислом Каримовнинг қизи Гулнора Каримова адвокатларининг унга тегишли, мазкур мамлакат банкларида ...
Блоглар
17 октябр 2018
Москванинг Якиманка туманидаги ҳиёбонга ўрнатилган, 16 ноябр куни очилиши кутилган Ислом Каримов ҳайкали эртаси куни ...
12 октябр 2018
Ўзбекистон ҳарбий қисмларидан биридаги аскарнинг «Элтуз»га билдиришича, улар вақтли ҳарбий хизматни Андижон вилояти далаларида пахта ...
10 октябр 2018
«Cуҳбатимиз ғайритабиий тус олаётганга ўхшаб кетяпти менинг назаримда, яъни мелиса ходими ва маҳкум ўртаси­даги савол‑жавоб ...