Document UZ
4 март 2018

Бобомурод ИИВ раҳбарига қарши кўрсатма беришга мажбурланган

3 март куни адвокат Сергей Майоров беш ойдан бери МХХ изоляторида сақланаётган журналист Бобомурод Абдуллаев билан учрашди.

Ҳуқуқ фаоли Суръат Икромовнинг Сергей Майоровга асосланиб айтишича, Бобомурод Абдуллаев қўйилган айбга иқрор қилингунча мунтазам қийноқларга солинган.

Бир метр узунликдаги пластик қувур билан Бобомуроднинг елкасига, чап қўлига ва оёғига урилган. У энг оғир қийноқ олти сутка давомида ухлашга имкон берилмагани эканини айтган.

Бундан ташқари, компьютер симлари (шнури) билан бошига ва елкасига савалашган. МХХ зобитлари Бобомуродни калтаклайдиган симларни «эслатма» деб аташган. У иқрорнома ёзишдан бош тортганида ҳар сафар ўша симлар билан урилган. 3 кун давомида Бобомурод бир кишилик камерада қип яланғоч ҳолда сақланган.

Шунингдек, унга руҳий таҳдидлар бўлган. У Россиядаги қизини ушлаб зўрлаш, болаларини ўлдириш, хотинини қамаш билан қўрқитилган.

Бобомуроднинг айтишича, қийноқлар 5 ноябрь куни иқрорномага қўл қўйганидан кейин қисман тўхтаган.

Бобомуроднинг ёзма равишда Сергей Майоровга билдиришича, у Ўзбекистоннинг амалдаги ички ишлар вазири Пўлат Бобожоновга ва яқинда МХХ раиси этиб тайинланган Ихтиёр Абдуллаевга қарши кўрсатма беришга мажбурланган.

Бобомуроднинг таъкидлашича, бу кўрсатмалар қийноқ остида берилган ва ҳақиқатни акс эттирмайди. Аслида у бу икки мулозим билан ҳаёти давомида умуман учрашмаган.

Бобомурод Абдуллаев Сергей Майоров билан суҳбатда 2003 йил январдан бошлаб Усмон Ҳақназаров тахаллуси билан мақолалар ёзганини, аммо Ўзбекистондаги тизимни қуролли қўзғолон воситасида ўзгартиришга чақирилган мақолалар ёзмаганини билдирган.

Унинг сўзларига кўра, Усмон Ҳақназаров номидан чиқарилган мақолаларнинг ҳаммасини ўзи ёзмаган, асосан, бу мақолалар Муҳаммад Солиҳ ва бошқа исмсиз муаллифлар номидан чиққан.

Бобомуроднинг таъкидлашича, у ўз мақолаларида Ўзбекистондаги салбий ҳолатларни, Каримов ва унинг қизини танқид қилган, мамлакатдаги вазият яхши томонга ўзгаришига ишонган.

Учрашувга қадар Бобомурод МХХ раиси Иноятовнинг ишдан олингани, МХХ терговчиси НодирТўрақуловнинг жиноятда айбланиб қамалганидан бехабар бўлган.

Адвокат билан маҳбус журналистнинг учрашуви биринчи марта МХХ иштирокисиз ўтди. Шунга қарамай, бу суҳбат видеокамера орқали кузатилган.

«Суҳбатнинг видеога олинаётганини тушунганим учун Бобомуродга жавобларни қоғозга ёзиб бериши мумкинлигини айтдим. У қалам билан жавобларни ёзиб турди. Кейин қоғозларни майда қилиб йиртиб ташлаётганимда тезкор ходим кириб, қоғоз қиймаларини тўплаб, ўзи билан олиб кетди», деди Сергей Майоров.

Ўзбекистон Жиноят кодексининг 159-моддаси 4-қисми билан айбланаётган Бобомурод Абдуллаев устидан суд маҳкамаси 5 март куни Тошкентда ўтказилади.

Суратда: Чапдан: МХХ подполковниги Нодир Тўрақулов ва журналист Бобомурод Абдуллаев.

Eltuz.com

Тағин ўқинг
17 март 2016
Бундан 11 йил олдин Остонада ўрнатилган ва Қозоғистонлик талантли ҳайкалтарош Тўлепбой Эрбўлатнинг “Севишганлар” номли тахсинга лойиқ асари муҳофазакор фуқаролар ...
6 сентябр 2016
Жиззах ва Сирдарё вилоятлари сафарига бағишланган махсус кўрсатувда Ислом Каримов иш топиш учун хорижга чиқиб кетганлардан ижирғанишини билдириб: «Бунақаларни ...
20 июл 2016
19 июл куни «Ўзбекнаво» эстрада бирлашмаси Матбуот хизмати таниқли хонандалар Ситора Фармонова, Сарвар Азимов ва Комил Фозиловларнинг лицензияси тугатилганини ...
28 ноябр 2016
Бош вазир ўринбосари Рустам Азимовнинг телеграммасида “Пластик картани тўлов учун қабул қилишдан бош тортган” ва “Пластик карта орқали ҳисоб-китоб ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...