Document UZ
19 апрел 2018

«Дамас» – оддий халқ учун эмас!

Ўзбекистонда ишлаб чиқариладиган «Дамас» автомобилининг нархи охирги уч йилда икки баравар ошиб, 50 млн сўмга етган бўлса-да, ҳали-ҳамон очиқ савдода мавжуд эмас.

«Яна уч йил навбат кутишим керак», дейди «Элтуз»нинг 2017 йилдан навбатда турган суҳбатдоши

«GM Ўзбекистон» АЖ томонидан 2017 йилнинг сентябрь ойидан автомобилларни электрон навбат орқали сотиш тизими йўлга қўйилгани ҳам мавжуд муаммони бартараф эта олмади.

«Дамас» автомобили сотиб олиш учун 2017 йил ноябрдан электрон навбатда турган Ўзбекистон ватандошининг «Элтуз»га маълум қилишича, олти ой ичида унинг навбати фақат 80 тага қисқарган ва ҳозирда 470-ўринда.

«Дамас» олишим учун ўртача ҳисобда яна уч йил навбатда туришим керак, агар бу автомобиль ишлаб чиқаришдан олиб ташланмаса, сотиб олишим мумкин экан», – дея киноя қилади у.

«GM Ўзбекистон» маълумотларни «тижорат сири» дея яширмоқда

Харидорларларнинг «GM Ўзбекистон» электрон навбатларига шубҳа билдиришида бир нечта асос мавжуд.

Биринчидан, Ўзбекистонда йиллар давомида автомобилларнинг «шапка» орқали сотилганидан ҳамма хабардор.

Иккинчидан, ҳозир ҳам ҳамма автомобиль бозорларида қўшимча ҳақ эвазига автосалонлардан навбатсиз автомобиль сотиб олишда ёрдам берадиган шахслар фаолият юритмоқда.

Асака автомобиль заводи 2018 йилнинг биринчи уч ойида Россияда 4100 дона автомобиль сотганлиги маълум, лекин айни шу муддатда унинг Ўзбекистон ички бозорида нечта машина сотгани очиқланмаган.

«GM Ўзбекистон» АЖнинг «Элтуз» мухбирига берган расмий баёнотига кўра, автозаводнинг дилерлар орқали сотган автомобиллари сони, русуми ва шу каби бошқа маълумотлар тижорат сири бўлиб, ошкор этилмайди.

Ҳукумат томонидан бир ёшга «тўлмаган» автомобилларнинг олди-сотдисини чекловчи қарорнинг бекор қилингани ортидан янги автомобиллар бозори тўла равишда олибсотарлар қўлига ўтиши мумкин.

Оддий фуқароларнинг Ўзбекистонда ишлаб чиқарилган «Дамас» каби арзон автомобиллар сотиб олиш орзуси эса ҳалигача армон бўлиб қолмоқда.

Умид Эркин
Eltuz.com

Тағин ўқинг
13 май 2017
ТошДУнинг журфагида биз 1988-1993 йилларда ўқидик. Раҳматли домламиз профессор Очил Тоғаев публицистикадан дарс берардилар. Домлага нисбатан кўпчилик талабаларнинг ҳурмати ...
3 июл 2017
1-июлдан Ўзбекистонда интернетга расмий руҳсатсиз клип қўйиш тақиқланди. Озодбек Назарбеков ёшлар каналига рахбар бўлди. «Камолот» ҳаракати тугатилди. «Ёшлар иттифоқи» ...
1 март 2017
Ўтган ҳафта Киев суди Ислом Каримовнинг беваси Татъяна Каримованинг жияни Акбарали Абдуллаевни Ўзбекистон Бош прокуратурасининг экстрадиция талаби билан бир ...
27 август 2018
Кўзимни очсам, БМТ анжуманида ўтирибман. Олдимда Ўзбекистон байроғи. Бўйнимга осилган бейджикни айлантириб қарасам Ўзбекистон вакили эмишман. Аммо ўтмиш билан ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...