Document UZ
30 апрел 2018

Стокҳолмда террор актида гумон қилинган тўрт нафар ўзбек ушланди

Швеция пойтахти Cтокҳолм шаҳрининг шимолида жойлашган Акалла мавзеида 30 апрель куни террор акти режалаганликда гумон қилинган уч тошкентлик ва бир самарқандлик ўзбек йигити қўлга олинди ва ушбу мақола тайёрланаётган пайт уларнинг иккитаси қўйиб юборилди.

«Элтуз» нашри суҳбатлашган, полиция уйига қўйиб юборган ўзбекнинг билдиришича, полициячилар улар яшаётган уйга эрталаб 4.30 да эшикни синдириб бостириб киришган, уй ичига тутун тарқатувчи гранаталар ирғитишган ва тўрт нафар ўзбекни ҳибсга олишган.

«Мени ва акамни, яна икки ўзбекни қўлга олишди. Лекин терговда қўпол муносабат бўлгани йўқ. Аввал мени, кейин сал кечроқ яна бир ўзбекни қўйиб юборишди. Акамдан ва қолганлардан ҳали дарак йўқ», деди у «Элтуз» мухбирига.

Швед нашрларига кўра, ўзбеклар Стокҳолмда ҳар йили ўтадиган 1 май намойиши чоғида террор ҳужуми уюштиришни режалашган. Ҳибсга олинган ўзбеклардан камида биттасининг ўтган йил апрель ойида террор ташкил қилган Раҳматжон Оқилов билан алоқаси бўлган.

Шунингдек, «Экспрессен» газетаси тўртовлон ўзбекнинг бу йилги режаси 2017 йили Дроттнингатан майдонида уюштирилган террор актининг узвий давоми экани ҳақида ёзди.

Лекин бу иддао ва гумонлар швед полицияси ёки суд расмийлари томонидан ҳали тасдиқлангани йўқ.

«Элтуз» мухбири билан суҳбатлашган гумонланувчининг укаси ҳам швед нашрлари ёзаётган бу гапларда ҳеч бир асос йўқлигини айтди.

Шунингдек, у мухбирдан ўз шахси ва оиласига оид маълумотларни ҳеч қаерга сиздирмасликни илтимос қилди.

Ҳибсга олинган ўзбекларнинг қўшнилари ҳам йигитларнинг жудаям хушмуомала ва одобли бўлишганини «Элтуз»га билдиришди.

Самарқандлик Раҳмат Оқилов 7 апрель куни Стокҳолм марказида юк машинасини одамлар устига ҳайдаши натижада 4 кишининг ўлими ва 15 кишининг жароҳатланишига сабаб бўлган, кейинчалик у қамоққа олинган, суд ҳукми июнь ойига қолдирилган эди.

Швецияда террорчиликда гумон қилиниб, ҳибсга олинган ўзбеклар ишига оид воқеаларни «Элтуз» кузатишда давом этади.

Eltuz.com

Тағин ўқинг
1 феврал 2016
2016 йил 27 январь куни BJ’s Wholesale Club чакана савдо компанияси Пахта мажбурияти (Cotton Pledge)га имзо чеккан 200 дан ...
4 апрел 2018
«Ўзбекконцерт» давлат муассасасида 30 март куни санъаткорлар иштирокида «Тўй-ҳашамларни тартибга солиш тўғрисида»ги қарор лойиҳаси муҳокама қилинди. Бу ҳақда мажлисда ...
16 март 2016
“XXI аср” газетаси Ўзбекистон либерал-демократик партияси –ЎзЛиДеПнинг 2015 йилги бюджети ижроси ва 2016 йилги бюджетнинг асосий кўрсаткичлари тўғрисидаги ахборотни ...
6 июл 2016
30 июнда Сурхандарё вилояти Термиз туманида маҳаллий деҳқон-фермерлар билан учрашуви чоғида Ўзбекистон президенти Шанхай Ҳамкорлик Ташкилоти саммитида Хоразм лазгиси янграганда ...
Блоглар
25 сентябр 2018
Бу йил баҳордаги йиғилишда фермерларга аччиқ қалампир экиш топширилди.  Бунга Ўзбекистон Вазирлар Маҳкамасининг 2018 йил 27 январдаги 62-сонли ...
24 сентябр 2018
Бугун 75 йиллик юбилейи баҳона Рауф Парфи номи эсланаркан, унинг асл шогирдлари билан бир қаторда, ...
24 сентябр 2018
Сўнгги кунларда Ўзбекистондаги пахта йиғим-терим мавсумига оид турли ОАВларда эълон қилинаётган хабарлар мамлакатда мажбурий меҳнат ...