Document UZ
30 сентябр 2015

Вояга етмаганларнинг теримга чиқарилаётганига оид янги далиллар

Кеча мажбурий пахта терими жумладан болалар эксплуатацияси авж олган Хоразм вилоятига рейдга чиққан ҳуқуқ ҳимоячилари Елена Урлаева ва Малоҳат Эшонқуловаларнинг қўллари қайириб олиб кетилгани фото ва видеокамералари тортиб олингани, жумладан ҳуқуқ ҳимоячиларини олиб юрган ҳайдовчининг ўғлини хоразмлик милиционерлар калтаклашгани ҳақида материаллар пайдо бўлган эди.

Шунингдек, бу юзадан ташвиш билдириб, халқаро ҳуқуқ ҳимоя ташкилотлари Ўзбекистон ҳукумати идораларига мурожаат этишган.

Фаолларнинг яна аниқлашича, ўтган ҳафтада вилоят расмийлари кўзбўямачилик қилишган, вилоятга Халқаро меҳнат ташкилотлари вакиллари борган пайтда пахта далаларидаги теримчиларни уйларига қайтаришган, ХМТ вакиллари кетгач тағин теримчилар мажбурий меҳнатга қайтарилган.

«ХМТ кузатувчилари Хоразмга йўл олиши билан маҳаллий ҳокимият вакиллари пахтага ётоққа жўнатилган ўқувчиларни, ўқитувчилари, шифокорларни ва барча теримчиларни вақтинчалик ортга қайтаради. Фарзанди пахтада эрта қайтганига хайрон бўлган она хам шуни айтди. ХМТ экспертлари кетганидан кейин эса барча теримчилар яна пахта даласига қайтарилган, – дейди Озодлик радиосига берган интервьюсида Малоҳат Эшонқулова.

Германияда жойлашган UGF ташкилотининг мазкур инцидент юзасидан ташвиш билдириб ёзган мактубида «Хорази вилоят раҳбарлари Халқаро меҳнат ташкилоти экспертлари ва раҳбариятни алдаётгани», Аниқланган фактларга кўра, вояга етмаган ўнлаб ўқувчи сентябрь ойи бошидан буён ҳар шанба-якшанба кунлари пахта теримига чиқарилаётгани аниқлангани айтилади.

Бугун қўлимизга улар далаларда олган фотосуратлар келиб тушди Eltuz.com уларни эътиборингизга ҳавола этади.

www.Eltuz.com

Тағин ўқинг
23 март 2018
Кейинги пайтларда ўқитувчи ва боғча ходимлари ободонлаштириш бошқармасининг “қўл-оёғи”га айланган. Кўчаларни супуриб тозалаш, кўчатлар экиш ва оқлаш, йўл белгиларини ...
30 май 2016
Фарғона шаҳрида ўтган “Универсиада” спорт мусобақаларининг энг қизиқ воқеаси албатта, ёшгина милиционернинг мамлакат бош вазири Шавкат Мирзиёевнинг йўлини тўсгани ...
26 сентябр 2016
Олий Мажлис палаталарининг қўшма қарори билан амалдаги бош вазир, мустақил кузатувчилар фикрича, ноқонуний тарзда президент вазифасини бажарувчи этиб тайинланишини ...
23 октябр 2015
У пайтлардаги катта кризис қаршисида ҳукумат ожиз эди. Мигрантларнинг келиб ишлашлари тугул, ҳатто маҳаллий халқ ҳам ишсиз, пулсиз юрарди. ...
Блоглар
13 ноябр 2018
“Бу йил фермерларга ҳар йилгидан кўра оғир бўлди. Уларга нисбатан зуғум ва зўравонликлар кўлами ошса ...
10 ноябр 2018
Ўзбекистон мустақил бўлган 1991 йилдан то шу бугунчага бу мамлакат ҳукумати чет элда бошига иш ...
9 ноябр 2018
Инсон бахтли бўлиши учун нима қилиши керак? Севган ёрини топиши керак дерсиз? Лекин Фарғона вилояти ...