Асосий мавзулар
11 июн 2018

Гулноранинг пуллари Тошкентга қайтиш арафасида

Ўзбекистоннинг марҳум президенти қизи Гулнора Каримовага тегишли бўлган, Швейцария банкларида музлатилган 800 миллион АҚШ долларидан ортиқ маблағнинг бир қисмини расмий Тошкентга қайтариш масаласи деярли ижобий бўлган.

Швейцария амалдорларидан бирининг EADaily нашрига билдиришича, бу маблағга Ўзбекистон ва АҚШ ҳукуматлари, шунингдек, Zeromax компанияси кредиторлари даъвогарлик қилиб келган.

Zeromax кредиторлари бу компаниянинг Г.Каримовага тегишлилигини исботлай олишмаган. АҚШ эса бу пуллар АҚШ долларида ва АҚШ банк тизимидан фойдаланилган ҳолда ўзлаштирилгани баҳонасида уларнинг бир қисми ўзига тегиши кераклигини даъво қилган.

Маълум бўлишича, Швейцария ҳукумати музлатилган пулларнинг асл эгаси Ўзбекистон ҳукумати, деган қарорга келган ва Ўзбекистон ҳукумати сиёсатидаги ўзгаришлар унга пулларни қайтариш учун ҳам қонуний, ҳам маънавий ҳуқуқ пайдо бўлди, деб ҳисобламоқда.

Бундай аввалроқ хориждан бошпана топган бир гуруҳ ўзбек фаоллари, жумладан, Ўзбекистон-Германия инсон ҳуқуқлари форуми Гулнора Каримовага тегишли бўлган коррупцион пулларни расмий Тошкентга қайтариб бермаслик талаби билан Швейцария ҳукуматига мурожаат йўллаганди.

Уларнинг фикрича, Ўзбекистон ҳукумати ҳали коррупцияга қарши етарлича кураш олиб бораётгани ва бу амалда ўз исботини тўлиқ топаётгани йўқ. Шунинг учун мазкур маблағнинг Ўзбекистон ҳукуматига топширилиши учун ҳали тегишли шароит мавжуд эмас.

Аммо сўнгги маълумотлардан кўринади, Швейцария ҳукумати ўзбек фаолларининг чақириғига қулоқ тутишни ўзига эп кўрмаган.

Халқаро кузатувчилар эса Ўзбекистонда кутилганидек кескин ижобий ўзгаришлар кузатилмаётганини айтишда давом этмоқда.

Жумладан, ўзбекистонлик мустақил тадқиқотчи, ҳозир Лондонда яшаётган Алишер Илҳомов АҚШ ва Ўзбекистон муносабатларидаги янги босқич халқаро ҳамжамият учун янги муаммолар туғдираётганини таъкидлади.

“Менинг мамлакатим аросатда. Агар у ўз ҳукумати сиёсатида коррупцияга қарши янада самаралироқ кураш олиб бориш мақсадида ислоҳотлар ўтказмаса, коррупциялашган капитализм ботқоғига ботади”, деб ёзди А.Илҳомов.

Унинг фикрича, Ўзбекистондаги ўзгаришларнинг аксарияти юзаки, шунинг учун АҚШ бу ерда тузилмавий ислоҳотлар фаолроқ ва тезроқ ўтказилишини талаб қилиши лозим.

“Президент Мирзиёев мамлакатнинг коррупцияга қарши кураш масаласидаги обрўсини кўтаришга тайёрлигини намоён этяпти. Бироқ у ҳали ҳам порахўрликнинг олдини олиш ва жазолаш механизмларини яратмаган”, дейди А.Илҳомов.

Сардор Азим
Eltuz.com

Тағин ўқинг
30 март 2016
«Бута ва ярим буталарнинг турли эҳтиёжлар учун чопиб олиниши туфайли ўсимликларнинг уруғдан кўпайиш хусусияти анча чекланиб қоляпти. Бугунги кунда ...
7 июл 2016
«Ҳуррият» газетаси Рамазон ҳайити муносабати билан эълон қилган «Эътиқод эркинлигининг тоза ҳавоси» сарлавҳали мақола юртимиз мўмин-мусулмонлари ҳайит намозини адо ...
17 ноябр 2016
«Ҳуррият» газетасида (16.11) «Талаба-журналистга мактублар» рукнида чоп этилган мақолада муаллиф бўлажак ҳамкасбларига «Журналистнинг таянч нуқтаси»ни топиб беришга уринади. У ...
7 июн 2016
Ўзбекистон телеканалларида мамлакат иқтисодиётининг «қудрати», «имкониятлари», дунёда салкам энг ривожланган экани тўғрисида эшитсангиз ажабланманг. Чунки 20 йилдан ошдики, фақат ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 февраль портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...